Qazirgi kezde ata-analardy oqytý úshin jattyqtyrýshylardy daıarlaý bastaldy.
Qazaqstanda damýynda ereksheligi bar balalarǵa kútim jasaý daǵdylaryna ata-analardy oqytý úshin jattyqtyrýshylardy daıarlaýdy bastady, dep habarlaıdy Almaty-akshamy.kz.
Qazirgi kezde bolashaq jattyqtyrýshylardyń birinshi tobyn oqytý júrip jatyr. Olar 23 shildede qajetti bilim men daǵdylardy ıgergennen keıin, 56 balamen otbasylarymen birge jumys isteı bastaıdy.
«Oqý kýrsyna materıaldardy beıimdeý, jattyqtyrýshylardy daıarlaý, mamandar men ata-analardy oqytý kiredi. Atalǵan baǵdarlamanyń maqsatty toby damýynda kidirisi bar, onyń ishinde aýtıstik spektrdiń buzylýy baıqalatyn 2-9 jastaǵy balalardy kútip-baǵýmen aınalysatyn adamdar bolyp tabylady»,– delingen Qazaqstan Respýblıkasy Eńbek jáne halyqty áleýmettik qorǵaý mınıstrliginiń baspasóz qyzmetiniń habarlamasynda.
Mamandardyń aıtýynsha, kýrs maqsaty - ata-ana men balanyń ońtaıly ózara is-qımylyn damytý, olardyń arasyndaǵy qarym-qatynasty nyǵaıtý, birlesken kelisim men ózara qarym-qatynasty damytý, minez-qulyqty basqarý daǵdylaryn jaqsartý, beıimdelý daǵdylaryn damytý jáne otbasy ómirine qatysý arqyly jaǵymsyz minez-qulyqty azaıtý.
Sondaı-aq, joba júıkege salmaq túsetin kezderdi basqarý daǵdylaryn damytýdy, túıtkilderdi sheshýdi jáne jalpy ata-analardyń ál-aýqatyn jaqsartýdy kózdeıdi.
Atalmysh joba Qazaqstannyń Eńbek jáne halyqty áleýmettik qorǵaý mınıstrligi BUU Balalar qorymen (IýNISEF) birlese otyryp, SST baǵdarlamasy negizinde iske asyp jatyr.