Bul - terorızmge qarsy birlesken «Beıbit mısıa – 2021» komandalyq-shtabtyq oqý-jattyǵýy.
Qazaqstandyq áskerıler eki jylda bir ret ótetin «Beıbit mısıa – 2021» komandalyq-shtabtyq oqý-jattyǵýyna qatysady, dep habarlaıdy Almaty-akshamy.kz.
Shanhaı yntymaqtastyq uıymyna múshe memleketterdiń – Úndistan, Qazaqstan, Qytaı, Qyrǵyzstan, Pákistan, Reseı, Tájikstan, Ózbekstan áskerı kontıngentteri terorızmge qarsy birlesken «Beıbit mısıa – 2021» komandalyq-shtabtyq oqý-jattyǵýyna qatysady.
«Bul oqý-jattyǵý Reseı Federasıasy Orynbor oblysynda ótedi. Oǵan Qazaqstannyń Qarýly Kúshterinen «Batys» óńirlik qolbasshylyǵynyń jeke quramy, Áskerı-áýe kúshteriniń Sý-25 ushaqtary tartylady», –delingen Qorǵanys mınıstrliginiń baspasóz qyzmetiniń habarlamasynda.
Oqý-jattyǵý sheńberinde SHYU-ǵa múshe elderdiń áskerı kontıngentteri terorızmge qarsy birlesken operasıaǵa daıyndalýy jáne ony ótkizý máselelerin pysyqtaıtyn bolady. Bul «Beıbit mısıa» 2007 jylǵy 27 maýsymdaǵy Shanhaı yntymaqtastyq uıymyna múshe memleketter arasyndaǵy birlesken áskerı oqý-jattyǵýlardy ótkizý týraly kelisim sheńberinde eki jylda bir ret ótkiziletinin atap ótken jón.