Almaty qalasynyń Áýezov aýdanynda patrúldik polısıa qyzmetkerleri ǵımarat qabyrǵalaryna esirtki jarnamasyn saldy degen kúdikpen 35 jastaǵy er adamdy ustady, – dep habarlaıdy aqshamnews.kz Polisia.kz-ke silteme jasap.
Ustalǵan kezde er adam esirtkilik masań kúıde bolǵan, bul derek medısınalyq kýálandyrý arqyly rastaldy. Esirtki zattaryn jarnamalaý deregi boıynsha qylmystyq is qozǵaldy. Kúdikti ýaqytsha ustaý ızolátoryna qamaldy.
Esirtki jarnamasyn ornalastyrý — bul ázil nemese usaq quqyq buzýshylyq emes, qylmystyq jaýapkershilik qarastyrylǵan aýyr quqyq buzýshylyq. Mundaı áreketter úshin zańmen qatań jaza kózdelgen. Polısıa osyndaı quqyqqa qarsy áreketterdiń aldyn alý jáne jolyn kesý boıynsha júıeli jumys júrgizýde. Azamattardy jaýapkershilik tanytyp, esirtki jarnamasy bar jazýlar týraly dereý polısıaǵa habarlaýǵa shaqyramyz, dedi Áýezov aýdandyq polısıa basqarmasynyń bastyǵy Danıar Meńdebaev.