Túrik sarapshylary Memleket basshysy Q.Toqaev júrgizip otyrǵan saıası reformalar búgingi tańda qazaqstandyq qoǵamnyń ál-aýqatyn arttyrý úshin der kezinde jáne qajet ekenin atap ótti.
Túrkıa astanasynda túrik saraptama ortalyǵy sarapshylarynyń qatysýymen «Jańa Qazaqstan: jańarý men jańǵyrý joly» taqyrybynda dóńgelek ústel ótti, dep habarlaıdy Almaty-akshamy.kz
Qazaqstannyń Ankaradaǵy Elshiligi Túrkıanyń qoǵam jáne saıası qaıratkerleri, belgili sarapshylary men jergilikti jýrnalıserdiń qatysýymen Qazaqstan Respýblıkasy Konstıtýsıasyna ózgerister men tolyqtyrýlar engizý jobasyn talqylaýǵa arnalǵan dóńgelek ústel uıymdastyrdy.
İs-sharanyń negizgi spıkerleri Qazaqstannyń Elshisi E.Sápıev, Túrkıa Parlametiniń depýtattary I.Kartal, F.Shahın, «ANKASAM» Ankara saıası jáne daǵdarysty zertteý ortalyǵynyń basshysy M.Erol, «Sahıpkıran» strategıalyq zertteýler ortalyǵynyń basshysy M.Qarakóse jáne Túrkıa-Qazaqstan dostyǵy qorynyń tóraǵasy J.Tash.
Sóz sóılegen E.Sápıev búginge deıin Qazaqstannyń Túrkıamen dıplomatıalyq qarym-qatynasynda saıası, ekonomıkalyq jáne mádenı-gýmanıtarlyq salalarda qol jetkizilgen nátıjelerge toqtaldy.
Túrkıanyń saýda-ekonomıkalyq qarym-qatynastar boıynsha Qazaqstannyń eń iri ekonomıkalyq seriktesteriniń biri ekendigi jáne Túrkıa Qazaqstannyń alǵashqy bes saýda seriktesiniń qataryna kiredi, eki el arasyndaǵy taýar aınalymy 4 mıllıard AQSH dollarynan asady atalyp ótildi.
2022 jyldyń alǵashqy úsh aıynda taýar aınalymy 1,5 mlrd dollardy qurady. Aldaǵy ýaqytta mundaı dınamıka jalǵasa berse, bıylǵy jyldyń sońyna qaraı bul kórsetkish 5 mıllıard AQSH dollaryna jetedi. Bul óz kezeginde taýar aınalymyn 10 mıllıard dollarǵa deıin ulǵaıtý jónindegi buryn qoıylǵan maqsattardyń ábden oryndalatynyn kórsetedi, - dep qosty Elshi.
Qazaqstan Prezıdenti Q.Toqaevtyń Túrkıaǵa jaqynda jasaǵan memlekettik sapary barysynda 15 mańyzdy qujatqa qol qoıylǵany habarlandy. Bul kelisimder eki el arasyndaǵy júk tasymalynyń artýyna septigin tıgizedi, al bilim salasyndaǵy qol qoıylǵan kelisim tájirıbe almasý men bilim berý baǵdarlamalaryn júzege asyrýdy kózdeıdi.
Sondaı-aq is-sharada QR Prezıdenti Q.Toqaevtyń «Jańa Qazaqstan: jańarý men jańǵyrý joly» atty Joldaýy aıasyndaǵy aýqymdy bastamalar men Konstıtýsıaǵa ózgerister men tolyqtyrýlar engizý jónindegi Respýblıkalyq referendým talqylandy.
Túrik sarapshylary Memleket basshysy Q.Toqaev júrgizip otyrǵan saıası reformalar búgingi tańda qazaqstandyq qoǵamnyń ál-aýqatyn arttyrý úshin der kezinde jáne qajet ekenin atap ótti. Dóńgelek ústeldiń taqyryby qatysýshylar arasynda úlken qyzyǵýshylyq týdyrdy, bul qyzyqty suraqtar pen kózqarastarmen rastaldy.