Aǵymdaǵy jyldyń 25 sáýirinde Almaty qalasy «NARXOZ» ýnıversıtetiniń alańynda «Sybaılas jemqorlyqqa qarsy bilim: Qazaqstandaǵy halyqaralyq tájirıbe jáne damý perspektıvalary» atty Halyqaralyq ǵylymı-praktıkalyq konferensıa ótti, dep habarlaıdy Almaty-akshamy.kz.
Qazaqstan Respýblıkasy Sybaılas jemqorlyqqa qarsy is-qımyl agenttiginiń málimetinshe, konferensıada Birikken Ulttar Uıymynyń Esirtki jáne qylmys jónindegi basqarmasy, Qazaqstandaǵy AQSH Memlekettik departamentiniń Búro bóliminiń, USAID «Barshaǵa arnalǵan Sot tóreligi» bilim berý jobasynyń, Gonkongtyń Sybaılas jemqorlyqqa qarsy kúres jónindegi táýelsiz komısıasynyń, Serbıa ýnıversıtetteriniń jáne t.b. sheteldik sarapshylary sóz sóıledi.
Sondaı-aq, is-sharaǵa qazaqstandyq joǵary oqý oryndarynyń, onyń ishinde İİM, TJM, Qorǵanys mınıstrliginiń mamandandyrylǵan oqý oryndarynyń, Bas prokýratýra janyndaǵy Quqyq qorǵaý organdary Akademıasynyń rektorlary, prorektorlary men oqytýshylary qatysty.
Maqsaty - bilim berý jáne aǵartý arqyly jemqorlyqqa qarsy mádenıetti qalyptastyrýdyń ulttyq jáne halyqaralyq tájirıbesin, BUU Esirtki jáne qylmys jónindegi basqarmasynyń GRACE halyqaralyq bastamasyn iske asyrý máselelerin talqylaý.
Kezdesý barysynda qazaqstandyq jemqorlyqqa qarsy bilim berý tájirıbesi usynyldy, GRACE materıaldary negizinde «NARXOZ» ýnıversıteti ázirlegen JOO-lar úshin jemqorlyqqa qarsy tıptik oqý baǵdarlamasynyń jańa jobasy tanystyryldy. Bul bastamany engizý 2022-2026 jyldarǵa arnalǵan sybaılas jemqorlyqqa qarsy saıasat Tujyrymdamasynda kózdelgen.
Sondaı-aq sheteldik sarapshylarǵa «AntiParaCraft» kvest-oıyny, jemqorlyqqa qarsy onlaın-oqytý platformasy, «Adaldyq álippesi», «parasattylyq saǵaty», «jemqorlyqqa qarsy mádenıet negizderi» dıdaktıkalyq oıyndar jınaǵy, jazǵy jemqorlyqqa qarsy mektepter, olımpıada, Akademıalyq adaldyq lıgasy jáne t.b. sıaqty qoldanystaǵy jobalar tanystyryldy.
Konferensıa aıasynda Agenttiktiń Sybaılas jemqorlyqqa qarsy bilim berý jáne medıa-materıaldarynyń, onyń ishinde sýretter, komıkster, ústel oıyndary, ádistemelik materıaldar, oqýlyqtar, býkletter, beınerolıkter jáne t. b. kórmesi uıymdastyryldy.
İs-shara qorytyndysy boıynsha qatysýshylar jemqorlyqqa qarsy oqytýdy damytý jáne halyqaralyq tájirıbeni ımplementasıalaý boıynsha yntymaqtastyqty nyǵaıtý jáne keńeıtý máselelerin talqylady.