Zaýyt Aqtóbe oblysynda salynady.
6 jeltoqsanda Astanada ótken «Investment Aktobe-2022» VII Halyqaralyq ınvestısıalyq forýmy aıasynda Aqtóbe oblysynyń ákimi Eraly Toǵjanov pen Omtis Ortadoğu Makina kompanıasynyń quryltaıshysy Ibragım Gúltekın qant zaýytynyń qurylysy jobasyn júzege asyrý týraly memorandýmǵa qol qoıdy, dep habarlaıdy Almaty-akshamy.kz Baq.kz silteme jasap.
Memleket basshysynyń azyq-túlik qaýipsizdigin qamtamasyz etý jáne naryqty otandyq ónimmen tolyqtyrý jónindegi tapsyrmasy aıasynda Batys Qazaqstanda qant qyzylshasynan túıirshiktelgen aq qant óndirý boıynsha iri joba júzege asyrylmaq.
Qant zaýytynyń qurylysy - Qazaqstan úshin basym baǵyttardyń biri, óıtkeni, elimizdiń, atap aıtqanda, Aqtóbe oblysynyń naryǵy ımportqa táýeldi.
Kúrdeli ınjenerlik jobalardy salýda úlken tájirıbesi bar Omtis Ortadoğu Makina 550 mıllıon AQSH dollaryn ınvestısıalaýǵa daıyn. Zaýyttyń qýattylyǵy jylyna 330 myń tonnany quraıdy. 180 jumys orny ashylady. Aıta keteıik, forýmǵa 30-dan astam eldiń dıplomatıalyq mısıalary, Úkimet músheleri, ulttyq holdıńter men kompanıalardyń, qarjy ınstıtýttarynyń, transulttyq korporasıalardyń basshylary, sheteldik jáne otandyq iri bıznes ókilderi, ǵalymdar men sarapshylar qatysty.
Halyqaralyq shara óńirdiń ınvestısıalyq áleýetin tanystyrý, qolaıly ınvestısıalyq ımıjin ilgeriletý, sondaı-aq Aqtóbe oblysynyń ekonomıkasyna ishki jáne sheteldik ınvestısıalardyń aǵynyn odan ári tartý maqsatynda uıymdastyryldy.