Tótenshe jaǵdaılar mınıstrligi Azamattyq qorǵanys jáne áskerı bólimder komıtetiniń basqarma bastyǵy Talǵat Jambaýov osyndaı derek keltirdi.
Sýǵa ketkenderdiń bireýi - jasóspirim.
Shomylý maýsymy bastalǵan 1 maýsymnan beri 5 adam tyıym salynǵan jerde sýǵa batyp ketti. Jalpy sýǵa batýdyń 95 paıyzy tyıym salynǵan jerde tirkeledi, dep habarlaıdy aqshamnews.kz.
Atalǵan 5 adamnyń bireýi 15 jastaǵy jasóspirim. Ol oqıǵa Astana qalasynda tirkeldi. Bul 1 maýsymnan bergi statısıka. Al jyl basynan beri 19 adam sýǵa ketken. Onyń jeteýi bala, — dedi ol baspasóz máslıhatynda.
— Ruqsat etilmegen jerde shomylǵan azamattarǵa Ákimshilik quqyq buzý týraly kodekstiń 412-baby boıynsha 7 aılyq eseptik kórsetkish (27 524teńge — red) mólsherinde aıyppul salynady. Al jabdyqtalmaǵan orynda shomylý uıymdastyrǵan sý aıdynynyń ıesiniń ústinen qylmystyq is qozǵalady. Onyń jazasyn İshki ister mınıstrligi saralaıdy, — dedi Talǵat Jambaýov.