Psıhologıalyq problemasy bar qazaqstandyqtardyń 5% ǵana kásibı mamannyń kómegine júgine alady.
Bul týraly búgin «Pandemıa sabaqtary» konferensıasynyń qatysýshylary habarlady. Osy oraıda elimizde psıhıkalyq densaýlyq jónindegi biryńǵaı aqparat ortalyǵy ashylmaq, dep habarlaıdy Almaty-akshamy.kz 24.kz-ke silteme jasap.
Munda depressıa syndy dertterge ushyraǵan azamattar habarlasyp, psıhologtardan onlaın formatta konsýltasıa ala alady. Konferensıaǵa jınalǵan mamandardyń aıtýynsha, Kovıd-19 pandemıasy adam densaýlyǵyna jáne onyń psıhologıalyq kúıine keri áserin tıgizdi. Ásirese, karantın kezinde oqshaýlanǵan balalar aıtarlyqtaı zardap shekken. Osy oraıda búkil álem sarapshylary jasóspirimderdiń saýyǵyp ketý máselelerine kóńil bólip jatyr.
«Kovıd-19 pandemıasy búkil álem azamattaryna keri áserin tıgizdi. Kúızeliske ushyraǵandar sany 25%-ǵa artty. Balalar arasynda da bul kórsetkish 20%-ǵa jetip qaldy. Ókinishke qaraı, olardyń arasynda qazaqstandyqtar da bar. Sol sebepti qazir jasóspirimderge tez arada járdem berý qajet. Olarǵa psıholog mamandarǵa júginýge múmkindik bergen jón. Osy oraıda biryńǵaı aqparat ortalyǵy ashylatyn boldy. Qalaǵandar dárigerlermen tikeleı baılanysqa shyǵa alady», - deıdi Qazaqstandaǵy DDSU eldik keńsesiniń psıhıkalyq densaýlyq jónindegi keńesshisi Nıkolaı Negaı.