Saılaý naýqany daýys berý kúnin qosqanda 60 kúnge sozylady.
Qazaqstanda 2022 jyldyń 20 qarashasynda ótetin prezıdent saılaýynyń qorytyndysy jarıalanatyn kún belgili boldy, dep habarlaıdy Almaty-akshamy.kz
Prezıdent saılaýynyń josparyn Ortalyq saılaý komısıasy tóraǵasynyń orynbasary Konstantın Petrov málimdedi. Onyń aıtýynsha, búkil saılaý naýqany daýys berý kúnin qosqanda 60 kúnge sozylady.
23 qyrkúıek pen 21 qazan Astana ýaqyty boıynsha saǵat 18.00-ge deıin kandıdattyń Konstıtýsıa men Konstıtýsıalyq zań talaptaryna sáıkestigi anyqtalady.
Qoldardy jınaý jáne tekserý 29 kúnge sozylady.
«21 qazanda saǵat 18.00-den bastap 28 kúnge sozylatyn saılaýaldy úgit-nasıhat jumystary daýys berý aldyndaǵy kúni saǵat 00.00-ge deıin júrgiziledi. 19 qarasha - únsizdik kúni. Daýys berý 20 qarashada jergilikti ýaqyt boıynsha saǵat 7.00-den 20.00-ge deıin ótedi. Saılaý ýchaskelerinde daýystardy sanaý daýys berý aıaqtalǵannan keıin 12 saǵattan keshiktirilmeı esepeledi. Ákimshilik aýmaqtyq birlikter boıynsha daýystardy sanaý nátıjelerin aýmaqtyq saılaý komısıalary belgileıdi jáne eki kún ishinde, ıaǵnı 22 qarashaǵa deıin Ortsaılaýkomǵa jetkizedi. Nátıjelerdi anyqtaý jáne saılanǵan prezıdentti tirkeý qoldanystaǵy zańnama normalaryna sáıkes OSK-ǵa 7 kúnnen aspaı tirkeledi. Saılaý qorytyndylary týraly habarlama 10 kúnnen keshiktirmeı buqaralyq aqparat quraldarynda jarıalanady. Iaǵnı, 30 qarashaǵa deıin barlyq saılaý prosedýralary men resmı jarıalanymdar júrgiziledi», - dedi Petrov.