Jańa erejelerdiń bekitilýimen eski qujattardyń kúshi joıylady.
QR İshki ister mınıstrligi júrgizýshilerdiń masań kúıin kýálandyrýǵa jiberý, masań kúıin kýálandyrý jáne onyń nátıjelerin resimdeý qaǵıdalaryn ázirledi, dep habarlaıdy Almaty-akshamy.kz
Qaǵıda jeke tulǵalardyń alkogóldik, esirtkilik, ýytqumarlyq masań kúıin kýálandyrýǵa jiberý jáne onyń nátıjelerin resimdeý, sondaı-aq kólik quralyn, kemeni, onyń ishinde shaǵyn kólemdi kemeni basqaratyn júrgizýshilerdiń masań kúıin kýálandyrý tártibin aıqyndaıdy.
Jeke tulǵalardyń, onyń ishinde kólik quraldaryn basqarýdan shettetilgen júrgizýshilerdiń, keme júrgizýshileriniń masań kúıin kýálandyrýdy Qazaqstan Respýblıkasynyń zańnamasymen osyǵan ýákilettik berilgen laýazymdy adamdar masań kúıdi aıqyndaıtyn arnaıy aspaptar men quraldardy qoldaný arqyly tikeleı ákimshilik quqyq buzýshylyq jasalǵan jerde jáne/nemese medısınalyq uıymdarda júrgize alady.
Ákimshilik quqyq buzýshylyq týraly hattamada kýálandyrýdan ótkizý úshin kólik quralyn, kemeni, onyń ishinde shaǵyn kólemdi kemeni basqarýdan shettetilgen kún, ýaqyt, oryn, negizder kórsetiledi. Hattamanyń kóshirmesi ózine qatysty is boıynsha is júrgizilip jatqan adamǵa ne onyń zańdy ókiline tapsyrylady.
Masań kúıin kýálandyrý aktisi tıisti hattamaǵa qosa beriledi.
Joldamaǵa ony toltyrǵan laýazymdy adam, sondaı-aq kýálandyrýǵa jiberilgen júrgizýshi qol qoıady.
Kýálandyrýǵa jiberilgen júrgizýshiniń jeke basyn kýálandyratyn qujattardyń bolmaýy medısınalyq uıymnyń kýálandyrýdan bas tartýyna negiz bola almaıdy. Jeke basy týraly málimetter kýálandyrýshynyń sózinen jazylyp alynady.
Qaǵıdaǵa sáıkes, arnaıy aspaptar men quraldardy qoldaný aldynda olardyń jaramdylyǵy, metrologıalyq tekserý kúni tekseriledi.
Kýágerler bolmaǵan kezde júrgizýshi kýálandyrýdy olardyń kelisimimen júrgizýge jol beriledi. Mundaı kýálandyrýdyń nátıjeleri kýálandyrylýshynyń kelisimi týraly belgisi bar kýálandyrý aktisinde jazylady.
Júrgizýshi ákimshilik quqyq buzýshylyq jasalǵan jerde kýágerlerdiń qatysýynsyz kýálandyrý júrgizýge nemese kýálandyrý nátıjelerimen kelispegen jaǵdaıda, olar medısınalyq mekemege medısınalyq kýálandyrýǵa jiberiledi.
Júrgizýshi ákimshilik quqyq buzýshylyq týraly hattamada, masań kúıin kýálandyrý aktisinde nemese ákimshilik quqyq buzýshylyq týraly hattamaǵa qosa beriletin jekelegen túsiniktemede masań kúıin kýálandyrýdan ótýden óziniń bas tartý ýájderin jazady.
Júrgizýshi masań kúıin kýálandyrýdan jaltarǵan kezde ákimshilik quqyq buzýshylyq jasalǵan jerde toltyrylǵan ákimshilik quqyq buzýshylyq týraly hattamada jáne masań kúıin kýálandyrý aktisinde bul týraly belgi jasalady.
Qujat 4 qazanǵa deıin talqylaý úshin Ashyq NQA saıtynda jarıalandy.