Kóp jaǵdaıda kenshiler men qurylysshylar zardap shegedi.
Osy jyldyń alty aıynda jazataıym oqıǵalardyń nátıjesinde 691 qyzmetker zardap shegip,onyń 78-i qaıtys bolǵan, dep habarlaıdy Almaty-akshamy.
«Osylaısha, óndiristik jaraqattaný deńgeıi 2020 jyldyń uqsas kezeńimen salystyrǵanda 2,8% - ǵa ósti (ótken jyldyń 6 aıynda 672 adam zardap shekti). Bul rette óndiristik jaraqattanýdan qaza tabý jaǵdaılary 9,3% - ǵa tómendedi (2020 jylǵy 6 aıda óndiriste 86 adam qaza tapty)», –delingen Qazaqstan Respýblıkasy Eńbek jáne halyqty áleýmettik qorǵaý mınıstrliginiń baspasóz qyzmetiniń habarlamasynda.
Mamandardyń deregi boıynsha, óndiristik jaraqattanýdyń joǵary deńgeıi burynǵydaı Qaraǵandy (139 adam zardap shekti), Shyǵys Qazaqstan (82 adam), Aqtóbe (56 adam), Pavlodar (54 adam), Qostanaı (49 adam), Túrkistan (37 adam) oblystarynda jáne Almaty qalasynda (42 adam) saqtalýda.
Ekonomıka salalary boıynsha zardap shekkenderdiń eń kóp sany taý-ken-metallýrgıa kesheniniń kásiporyndarynda – 134 adam (19,4%) jáne qurylys salasynda – 80 adam (11,6%) baıqalady.