Mal urlyǵymen aınalysqandardyń basym kópshiligi - jumyssyzdar.
Bıyl qańtar-qarasha aılary aralyǵynda elimizde mal urlyǵy boıynsha 1,7 myń jaǵdaı tirkelgen. Bul ótken jylmen salystyrǵanda 19,6 paıyzǵa az. Byltyr osy kezeńinde 2,1 myń fakti anyqtalǵan edi, dep habarlaıdy Almaty-akshamy.kz Energyprom.kz silteme jasap.
Óńirler arasynda mal urlyǵy boıynsha Almaty (325 urlyq faktisi) kósh bastap tur. Kelesi kezekte mundaı quqyqbuzýshylyqtar Túrkistan (232 fakti) jáne Batys Qazaqstan (161 fakti) oblystary aýamǵynda tirkelgen.
«Energyprom.kz» málimetine sáıkes, jalpy, bıylǵy mal urlyǵy qalmystaryn 737 adam jasaǵan. Bul rette ótken jylǵa qaraǵanda 17 paıyzǵa tómendeý baıqalady.
Mal urlyǵymen aınalysqandardyń basym kópshiligi, ıaǵnı 591 adam - jumyssyzdar. Sonymen qosa, bıyl 70 turaqty qyzmeti bar azamat, 9 jeke kásipker, 9 oqýshy men 1 memlekettik qyzmetshi urlyqqa túsken.
Ulttyq statısıka búrosynyń málimeti boıynsha, aǵymdaǵy jyldyń 1 qarashasyna deıin elde iri qara 8,8 mln bas boldy, bul bir jyl burynǵydan 4,7%-ǵa kóp.
Jylqy (3,7 mln bas, plús 11,9%), túıe (263,6 myń bas, plús 8,7%) jáne qoı (20,3 mln bas, plús 4,3%) basyda da ósti.
Shoshqa sany (11,6%-ǵa, 828 myń basqa), qus (2,1%-ǵa, 49,3 mln basqa) jáne eshki (1%-ǵa, 2,4 mln basqa) azaıǵan.