Búginde júk kólikteri men avtobýstardy zańsyz esepke qoıý faktileri jıilep ketti.
Qazaqstandaǵy mamandandyrylǵan HQKO-larda júk kólikterin, avtobýstardy jáne basqa da kólikterdi esepke qoıýdyń zańdylyǵyn tekserý sharalary bastaldy, dep habarlaıdy Almaty-akshamy.kz Qazaqstan qarjylyq monıtorıń agenttigine silteme jasap.
Resmı málimetke sáıkes, 2023 jyldyń tamyz aıynan beri 23 qylmystyq is tirkeldi. Osy ister boıynsha 3 myńǵa jýyq avtokólik zańsyz tirkelgen. Al memleketke kelgen zalaldyń kólemi 14 mlrd teńgeden asty.
Osyǵan baılanysty qarjylyq monıtorıń agenttigi, sıfrlyq damý mınıstrligi men "Azamattarǵa arnalǵan úkimet" ókilderiniń jumys kezdesýin ótkizdi. Búgingi tańda alaıaqtar 4 negizgi sqema qoldanyp jatady.
Sıfrlandyrý vıse-mınıstri Asqar Janbakınniń aıtýynsha, qazirgi kezde aqparattyq júıelerdiń ıntegrasıasy tolyǵymen jasaldy. Sonyń arqasynda VIN engizý kezinde avto týraly barlyq derekter avtomatty túrde aqparattyq júıeden tartýǵa jáne tólenýge jatatyn alymdar men tólemderdi esepteýge múmkindik bar.
Biraq HQKO mamandary barlyq derekti ózderi engizedi. Al júıeni jańartýdyń nátıjesinde avtokólik týraly derekterdi qolmen qajeti bolmaı qalady.