Baıqaýdyń basty júldesi – Ystanbulǵa saıahat.
Qazaqstan baspasóz klýbynda «Tulǵa bolam» atty úshinshi kitap oqý saıysy bastaldy, dep habarlaıdy Almaty-akshamy.kz Almaty.tv silteme jasap.
«Shuǵyla» qory, sondaı-aq «Darıa» damytý ortalyǵynyń uıymdastyrýymen ótetin saıys 3 kezeńnen turady. Munda mektep oqýshylarymen qatar eresekterdiń de baq synaý múmkindigi bar.
9 sáýirge deıin jalǵasatyn baıqaýdyń basty júldesi – Ystanbulǵa saıahat. Odan bólek, tehnıkalyq jáne aqshalaı syılyqtar qarastyrylǵan.
Aıta keteıik, ótken maýsymnyń jeńimpazyna Nur-Sultan qalasynan 1 bólmeli páter berilgen edi.
«Talaptaryna kelsek, «Darıa damý» qosymshasynan tirkelýge bolady nemese «Tulǵa bolam.kz» saıtyna kirip tirkelýge bolady. Mynadaı úsh talaby bar: aty-jónińizdi jazasyz, ózińizdiń mekenjaıyńyzdy, ıaǵnı turǵylyqty jerińizdi kórsetesiz, qaı synypta oqısyz nemese ereseksiz be, sony jazasyz. Qatysýshy biz bergen kitapty oqıdy. Bir aıda bir kitap beremiz, sodan soń sol kitaptan óziniń jasyna qaraı suraqtar beriledi. Júz nemese elý suraqtan turady. Olarǵa biz qoıǵan ýaqytta jaýap berý kerek», - dedi jobanyń demeýshisi Syrymbek Taý.