12,5 paıyzǵa ulǵaıtylyp otyr.
Qazaqstannyń Aýyl sharýashylyǵy mınıstri Erbol Qarashókeev bıyl jem-shóp daqyldarynyń alqaby uǵaıtylǵanyn aıtty, dep habarlady Almaty-akshamy.kz Egemen.kz silteme jasap.
Erbol Qarashókeev jem-shóp óndirý boıynsha jol kartasyn iske asyrý bastalyp ketkenin aıtty.
«Jol kartasynda 15 is-shara qarastyrylǵan. Onyń eń negizgileri - qoldanystaǵy aýyspaly egisterdiń ǵylymı negizdelgen normalaryna sáıkestigi turǵysynan mal sharýashylyǵy baǵytyndaǵy sharýashylyqtardyń egis alqaptarynyń qurylymyna taldaý júrgizý. Ol taldaý qazir óńirlerde júrgizilip jatyr. Árbir sharýashylyq pen aýyl sharýashylyǵy daqyldarynyń egis alańdaryn ártaraptandyrý jospary jasalyp jatyr»,- dedi ol.
Onyń aıtýynsha, bıyl jem-shóp daqyldarynyń alqaby 12,5 paıyzǵa ulǵaıtylyp otyr.
«Iaǵnı, byltyr 3,2 mln gektar bolsa, bıyl 3,6 mln gektar bolady dep kútiledi. Bıyl alqap kólemi 448 myń gektarǵa uǵaıtyldy. Bul mal azyǵymen qamtý kólemin arttyrýǵa óz áserin tıgizetin bolady», dep túıindedi mınıstr.