25 mamyrǵa deıin qaladaǵy 60 komýnaldyq fontandardy iske qosý josparlanǵan. Qazirgi kezde onyń 16-sy iske qosylǵan. Jalpy, Almatyda 128 fontan bar, onyń 63-i qala menshiginde, al 65-i jekenmenshikte. Fontandar saǵat 09:00-den 23:00-ge deıin jumys isteıdi dep habarlaıdy almaty-akshamy.kz
Sońǵy bes jyl ishinde 13 jańa fontan salyndy. Alaıda qaladaǵy fontandardyń basym kópshiligi 60-80-jyldary salynǵan. Jóndeý-qalpyna keltirý jumystary olardy tehnıkalyq jaǵynan durys jumys isteýin qamtamasyz etedi. Fontandardy jóndeý, sanıtarlyq tazartý men tazalaý jumystary únemi júrgizilip otyrady.
Qazirgi kezde QR Ortalyq memlekettik murajaıy janyndaǵy jáne QBTÝ ǵımaratynyń artynda ornalasqan «Severnyı» saıabaǵyndaǵy fontandarǵa jóndeý jumystary júrip jatyr. Áýezov atyndaǵy Qazaq ulttyq akademıalyq drama teatry aldyndaǵy fontannyń ortalyq tostaǵandaryn aýystyrý ári kúrdeli jóndeý jumystaryn júrgizý qajet.
Árbir fontanda qaýipsizdikti saqtaý maqsatynda shomylýǵa bolmaıtyny týraly taqtaıshalar ornatylǵan. Óıtkeni olardyń konstrýksıalarynyń ishinde elektr, sýasty jaryqtandyrý qurylǵylary, sýasty sorǵylar men t.b. jabdyqtar bar.