Almaty zeınetkerleri: "Biz qoǵamdyq-saıası is-sharalardyń aldyńǵy qataryndamyz!"
Bul týraly Almaly aýdanynyń belsendi uzaq ómir súrý ortalyǵynyń qatysýshylary Amanat partıasynan Parlament Májilisiniń depýtattarymen kezdesýde maqtanyshpen málimdedi. Búgingi kúni atalǵan ortalyqta shamamen 3500 adam tirkelgen, kún saıyn munda eki júzden astam adam keledi. Kórsetiletin qyzmetterdiń sany ár túrli kýrstardyń 20-dan astam túrin quraıdy.
Májilismender Qanat Nurov pen Syrym Adambaev aýdan zeınetkerleriniń belsendi ári jigerli joldaýyn, sondaı-aq olardyń aldaǵy referendým boıynsha habardarlyǵyn shabytpen qabyldady.
Ortalyq qatysýshylary, ásirese, oblys, respýblıkalyq mańyzy bar qalalar jáne elorda ákimderin saılaý bóligindegi túzetýlerdi baǵalady. Óıtkeni, el halqy Konstıtýsıaǵa túzetýlerdi maquldaǵan jaǵdaıda, oblystardyń, respýblıkalyq mańyzy bar qalalardyń jáne el astanasynyń ákimderin máslıhat depýtattarynyń kelisimimen Memleket basshysy qyzmetke taǵaıyndaıtyn bolady. Bul rette daýys berý úshin keminde eki kandıdatýra usynylatyn bolady. Daýys berýge qatysqan depýtattardyń kóp daýysyn alǵan kandıdat kelisim alǵan bolyp esepteledi. Tek osy ákimderdi ǵana Memleket basshysy jumystan shyǵara alady".
"Bizdiń ortalyqtyń jetekshisi Ásıa Aqanova – AMANAT partıasynyń máslıhat depýtaty! Sondyqtan megapolıs ákiminiń kelesi saılaýynda depýtattar bizdiń pikirimizdi de eskeretini jaqsy", - dep atap ótti kezdesýge qatysýshylar.
Almaly aýdanynyń zeınetkerlerimen taǵy da birneshe túzetýlerdi túsindirip, talqylaǵan májilis depýtattary Qanat Nurov pen Syrym Adambaev ortalyq qatysýshylarynyń joǵary habardar ekendigin, sondaı-aq olardyń óz aýlalarynda jáne qalalyq is-sharalarda túsindirý jumystaryn júrgizýge daıyndyǵyn atap ótti.
Esterińizge sala keteıik, Belsendi uzaq ómir súrý ortalyqtarynyń jappaı damýy partıanyń Almaty qalasy boıynsha 2025 jylǵa deıingi saılaýaldy baǵdarlamasyna endi.