Buǵan 300 jas qazaqstandyq qatysa alady.
Áleýmettik joba jas jýrnalıserdiń kásibı quzyrettilik deńgeıin arttyrýǵa, komýnıkasıa qurýǵa arnalǵan jańa alańdardy qalyptastyrýǵa, jas jýrnalıserdiń shyǵarmashylyq jáne qoǵamdyq belsendiligin yntalandyrýǵa baǵyttalǵan, dep habarlaıdy Almaty-akshamy.kz Elorda.info-ǵa silteme jasap.
«Jobanyń mańyzdy mindetteriniń biri – jas jýrnalıserdiń kásibı quzyrettiligin arttyrý. Medıa mamandaryna onlaın formatta jumys isteý yńǵaıly bolǵandyqtan, biz elektrondy platformany daıyndaıtyn bolamyz. Munda joba qatysýshylary úshin oqytý kýrstary men jańalyqtar portaly qoljetimdi bolady», – deıdi «Qazaqstan jastar kongresi» ZTB dırektorynyń orynbasary Kamıla Amýrtaeva.
Sondaı-aq jas jýrnalıserge 20 shaǵyn grant bólinedi. Al Nur-Sultan, Shymkent jáne Aqtóbe qalalarynda jastarǵa arnalǵan pikirtalas alańdary jumys isteıdi.
«Forýmdar úsh kúndik oqytý formatynda ótedi. Biz jýrnalıs bolýdy armandaıtyn jas azamattardy, jýrnalısıka fakúltetteriniń stýdentterin, jas mamandardy jınaımyz. Forým qatysýshylary teorıalyq qana emes, praktıkalyq turǵyda bilim alýy úshin medıa salasynyń sarapshylary men kásipqoılary jobaǵa trenerler retinde shaqyrylady», – dedi Kamıla Amýrtaeva.