Elimizde jer qoınaýyn paıdalanýǵa ınvestısıalar tartýda
Ulttyq ekonomıka jáne Qarjy mınıstrlikteri jer qoınaýyn paıdalanǵany úshin balamaly salyq rejımin, jer salyǵy men múlik salyǵyn tóleýden bosatý jáne basqa da preferensıalar berýdi qarastyrýda, dep habarlaıdy Almaty-akshamy.kz Qazaqtv.com saıtyna silteme jasap.
Sonymen qatar, geologıalyq barlaý jumystarynyń ınvestısıalyq tartymdylyǵyn arttyrý úshin elimizdiń Energetıka mınıstrligi jańa tetik – teńiz jobalaryna, kúrdeli qurlyq jáne gaz jobalaryna qoldanylatyn jetildirilgen úlgilik kelisimshartyn engizýde.
Sondaı-aq, elimizdiń «Jer qoınaýy jáne jer qoınaýyn paıdalaný týraly» kodeksine ózgerister engizýdi josparlap otyr. Sońǵy eki jylda geologıalyq barlaýǵa 173 mıllıard teńgege jýyq ınvestısıa quıylǵan. Al 2018 jyldan beri shamamen 7 trln qarajat tartylǵan.
Aıta keteıik, Qazaqstanda jyl saıyn 39 mln tonnaǵa jýyq temir rýdasy, bir jarym mıllıon tonnaǵa jaqyn alúmını totyǵy, sondaı-aq, 3 mıllıon tonna shamasynda mys pen 193 myń tonna qorǵasyn konsentraty óndiriledi.