Ekonomıkalyq tıimdilik 1,3 mln dollardy qurady.
Qazaqstanda 2022-2026 jyldarǵa arnalǵan energıa únemdeý jáne energıa tıimdilikti arttyrý Jol kartasy jasaldy.Bul týraly "Elektr energetıkasyn damytý jáne energıa únemdeý ınstıtýty" AQ Basqarma tóraǵasy Baýyrjan Smaǵulov aıtty, dep habarlaıdy Almaty-akshamy.kz.
«Jol kartasy energetıka, ónerkásip, búdjet, ǵımarattar men kólik sektorlarynyń, sondaı-aq elimizdegi óńirleriniń kórsetkishterin eskere otyryp ázirlengen», - delingen Indýstrıa jáne ınfraqurylymdyq damý mınıstrliginiń baspasóz qyzmetiniń habarlamasynda.
«Elektr energetıkasyn damytý jáne energıa únemdeý ınstıtýty» AQ Basqarma tóraǵasy Baýyrjan Smaǵulov energıa syıymdylyǵy aıasynda qol jetkizilgen maqsattardyń biri – Memlekettik energetıkalyq tizilimdi engizý ekendigin atap ótti. Onyń aıasynda 20 myńnan astam nysannyń energıa tutyný kólemin taldaýǵa múmkindik týǵan.
«Búginde óndiristik kásporyndar elimizdiń 40 paıyzdan astam energıa resýrstaryn tutynady. Energoaýdıttyń birinshi kezeńiniń qorytyndysy boıynsha, óndiristik sektordyń ortasha qýatynyń kólemi 10 paıyzdy quraıdy. Energıa únemdilik pen energotıimdilik boıynsha is-sharalar josparyn júzege asyrýǵa 709 mln AQSH dollary kóleminde qarajat qarastyrylǵan. Tizilimniń nysandary sheńberinde myń jarymnan astam energoaýdıt júrgizildi. Atalǵan Jol kartasyn engizýdiń nátıjesinde 182,5 mln dollar kólemindegi qarjy únemdeldi», – dedi Baýyrjan Smaǵulov.
Energıa únemdeý saıasatynyń basty quraldarynyń qatarynda energotıimdilik kartasynyń da mańyzy zor. Onyń aıasynda 181 joba iske asyrylýda. Onyń ishinde 55 joba memlekettik-jeke menshik áriptestik mehanızmi sheńberinde oryndalmaq. Olardyń ishinde sońǵy jyldary sátti júzege asyrylǵan jobalardyń biri – kóshe jaryqtandyrý boıynsha júrgizilgen modernızasıa jumystary. Qazirgi tańda Qazaqstandaǵy kóshe shamdarynyń jartysy dıodty shamdarǵa aýystyrylǵan. Jyl saıyn energıa únemdeý kólemi 55 paıyzdan asyp, ekonomıkalyq tıimdiligi 1,3 mln dollardy qurady. Osyǵan oraı búginde Qazaqstandaǵy zamanaýı dıodty kóshe shamdarynyń úles salmaǵy 55 paıyzdan astam.