Bul jalaqy kólemi 42500 teńgeden 60 myń teńgege ósedi.
2022 jyldyń qańtarynan bastap Qazaqstandaǵy eń tómengi jalaqy 42500 teńgeden 60 myń teńgege artady, dep habarlaıdy Almaty-akshamy.kz.
Qazaqstan Prezıdenti Qasym-Jomart Toqaev 1 qyrkúıek kúni halyqqa jasaǵan Joldaýy barysynda memlekettegi eń az jalaqy týraly sóz etti. Prezıdenttiń sheshimimen bul jalaqy kólemi ósetin boldy.
«Elimizde eń az jalaqy kólemi 2018 jyldan kóterilgen joq. Álemdik koronadaǵdarys qazaqstandyqtardyń tabysyna saldaryn tıgizdi. Onyń ústine eń tómengi jalaqy kólemi boıynsha Qazaqstan TMD-nyń biraz elderinen artta keledi. Osy oraıda 2022 jylǵy 1 qańtardan bastap eń tómengi jalaqy kólemin 42 500 teńgeden 60 myń teńgege ósirý týraly sheshim qabyldaımyn. Atalǵan bastama 1 mln-nan astam qazaqstandyqty qamtıdy. Bul óz kezeginde kóleńkeli jalaqy máselesin joıyp, el ekonomıkasyna ońtaıly áserin tıgizedi jáne, sarapshylardyń pikirinshe, bul JİÓ-niń 1,5 ese artýyna yqpal etedi», - dedi QR Prezıdenti Qasym-Jomart Toqaev Joldaý barysynda.