Ekologıa, geologıa jáne tabıǵı resýrstar mınıstrligi «Akvamádenıet týraly» zań jobasynyń tujyrymdamasyn ázirledi.
Zań jobasy janýarlar dúnıesin qorǵaý, ósimin molaıtý jáne paıdalaný salasyndaǵy qoǵamdyq qatynastardy retteýge arnalǵan, sondaı-aq qazirgi jáne bolashaq urpaqtardyń múddelerin eskere otyryp, janýarlar dúnıesi men onyń bıologıalyq ártúrliligin saqtaý, janýarlar dúnıesi obektilerin adamnyń ekologıalyq, ekonomıkalyq, estetıkalyq jáne ózge de qajettilikterin qanaǵattandyrý úshin ornyqty paıdalaný jaǵdaılaryn qamtamasyz etýge baǵyttalǵan, Almaty-akshamy.kz
Mınıstrliktiń málimetinshe, 2017-2021 jyldary Qazaqstanda 37 myń tonnadan astam taýarlyq balyq ósirildi.
Jalpy, Qazaqstanda 2018 jyly akvaósirý óniminiń kólemi balyq ósirý kóleminiń 10%-nan kem boldy.
Sonymen qatar sarapshylardyń baǵalaýy boıynsha akvaósirýdi damytý áleýeti shamamen 270 myń tonna taýarlyq ónimdi quraıdy, bul halyqtyń jan basyna shaqqandaǵy tutyný deńgeıin DDU usynǵan kólemderge deıin kóterýge, sondaı-aq qosylǵan quny joǵary tereń óńdelgen balyq ónimderiniń kólemin ulǵaıtýǵa múmkindik beredi. Bul óz kezeginde salyq salynatyn bazany jáne áleýetti ınvestorlar úshin salanyń tartymdylyǵyn arttyrýǵa múmkindik beredi.
Atap aıtqanda, zań jobasynyń tujyrymdamasy balyq resýrstaryn kóbeıtý úshin qamtamasyz etýge arnalǵan ınfraqurylymdyq obektiler retinde asyl tuqymdy jáne seleksıalyq-genetıkalyq ortalyqtar qurýdy qarastyrady:
- Ǵylymı-zertteý uıymdarymen birlesip, balyqty taýarlyq ósirýdiń jańa tehnologıalaryn ázirleý boıynsha ǵylymı-zertteý jumystaryn júrgizý;
- Ǵylymı-zertteý uıymdarymen birlesip taza balyq jelileri men túrlerin ustap turý, sondaı-aq Qazaqstannyń klımattyq jaǵdaılaryna beıimdelgen jańa túrlerdi shyǵarý boıynsha asyl tuqymdyq jáne seleksıalyq-genetıkalyq jumystar júrgizý;
- Jasandy túrde ósimin molaıtýdyń jańa tehnologıalaryn ázirleý, qorǵalatyn balyq túrleriniń analyq-jóndeý tabynyn ustaý;
- Joǵary sapaly balyq otyrǵyzý materıalyn óndirý jáne ony balyq sharýashylyǵy sýbektilerine ótkizý;
- Balyq sharýashylyǵy sýbektilerine bilim berý jáne konsýltasıalyq qyzmetter kórsetý.
Budan basqa ǵylymı jáne kadrlyq qamtamasyz etý, normatıvtik-quqyqtyq bazany damytý kózdeledi.
Qujat jobasy 2022 jyldyń 1 shildesine deıin Ashyq NQA saıtynda ornalastyrylǵan.