Senat depýtattary Artýr Lastaevtyń kandıdatýrasyn qoldady.
Prezıdent Qasym-Jomart Toqaev Qazaqstan Respýblıkasyndaǵy Adam quqyqtary jónindegi ýákil laýazymyna Artýr Lastaevtyń kandıdatýrasyn usyndy, dep habarlaıdy Almaty-akshamy.kz Aqordanyń baspasóz qyzmetine silteme jasap.
Artýr Lastaev 1983 jyly dúnıege kelgen. Ál-Farabı atyndaǵy Qazaq ulttyq ýnıversıtetin «Halyqaralyq quqyq» mamandyǵy boıynsha bitirgen.
2006 jyly Almaty qalasy prokýratýrasynyń Bostandyq aýdany prokýrorynyń kómekshisi bolǵan.
Sondaı-aq ol áleýmettik-ekonomıkalyq saladaǵy zańdylyqty qadaǵalaý departamentiniń bólim bastyǵy boldy.
Artýr Lastaev Bas prokýratýranyń ókili – BUU bólimshesi jáne Jenevadaǵy basqa da halyqaralyq uıymdar janyndaǵy Qazaqstan Respýblıkasy Turaqty ókildiginiń keńesshisi qyzmetterin atqarady.
2018 jyldan 2022 jylǵa deıin Eýropadaǵy Bas prokýratýranyń ókili – Qazaqstannyń Shveısarıadaǵy elshiliginiń keńesshisi boldy.
2022 jyldan bastap Bas prokýratýranyń halyqaralyq-quqyqtyq yntymaqtastyq qyzmetiniń bastyǵy bolǵan.
Aıta ketsek, búgin 2022 jylǵy 29 jeltoqsanda Memleket basshysy Qasym-Jomart Toqaev Qazaqstan Parlamenti Senatynyń otyrysyna qatysty.