Qarjy vıse-mınıstri Erjan Birjanov 45 200 qazaqstandyq azamat resmı túrde bankrot dep tanylǵanyn aıtty, - dep habarlaıdy aqshamnews.kz tilshisi.
Bul adamdardyń qarjy uıymdarynyń aldyndaǵy qaryzy 180 mlrd teńgege jetken. Qaryzdyń basym bóligi - ekinshi deńgeıli bankterdegi nesıeler.
"Bul qaryz túgel keshirildi deýge bolady. Bul zań jeke tulǵalardyń qarjylaı mindettemelerin sheshýge naqty kómektesip jatyr", - dedi Birjanov úkimette ótken brıfıńte.
Bankrot dep tanylǵan azamattardyń ishinde:
- 13 myńnan asa adam - bes jyldan asa merzim boıy qaryzyn óteı almaǵan boryshkerler;
- 2,5 myńǵa jýyq azamat - áleýmettik tirkeýde turǵan, jaǵdaıy aýyr, tabysy tómen otbasylar.
Osylaısha, zań 45 myńnan asa adamnyń nesıeleri tolyq keshirgen. Birjanovtyń aıtýynsha, bankrottyq prosesi tolyq avtomattandyrylǵan jáne sottan tys ótedi.
Bul júıe adamı faktordyń áserin azaıtyp, sheshim qabyldaý úderisin barynsha ádil ári ashyq etýge múmkindik beredi.
"Jeke tulǵalardyń bankrot týraly zańy tıimdi jumys istep tur. Qaıta qaraý nemese adam faktoryna táýeldi sheshimder joq", - dedi vıse-mınıstr.