Egin jınaý naýqany aıaqtalýǵa jaqyn.
Dándi jáne dándi-burshaqty daqyldardyń boljamdy jınaý alańy 16 mln gektardan asady, - dep habarlaıdy Aqshamnews.kz.
Búgingi tańda 15,5 mln gektar nemese jalpy egis alqaptarynyń 96,8%-y jınaldy. Nátıjesinde 25,9 mln tonna astyq bastyryldy.
Dándi daqyldardan bólek, aýyl sharýashylyǵy taýaryn óndirýshiler 2,9 mln tonna maıly daqyl, gektaryna 228,5 sentner ónimdilikpen 2,7 mln tonna kartop jáne gektaryna 305,1 sentner ónimdilikpen 3,6 mln tonna kókónis jınady.
Atap aıtqanda, 319,3 s/ga ónimdilikpen 441,6 myń tonna qyryqqabat, 429,4 s/ga ónimdilikpen 1029,8 myń tonna pıaz, sondaı-aq 296,1 s/ga ónimdilikpen 379,4 myń tonna sábiz jınaldy.
Egin jınaý naýqany uıymdasqan túrde, agrotehnıkalyq talaptarǵa saı merzimde ótýde.