Taraz qalasynda qoǵamdyq tártip pen qaýipsizdikti qamtamasyz etip júrgen 5513 áskerı bóliminiń áskerı jasaǵy qyzmettik mindetin atqarý barysynda jol shetinde jerde jatqan qymbat markaly uıaly telefondy baıqap qalady. Tabylǵan zat týraly olar dereý áskerı jasaq kezekshisine habarlaıdy.
Az ýaqyttan keıin telefonǵa qońyraý túsken. Qońyraý soǵýshy – uıaly telefonyn joǵaltyp alǵan jas turǵyn eken. Joǵalǵan zatyn izdep kelgen bozbalanyń shynymen de telefon ıesi ekenine kóz jetkizgennen keıin, áskerı jasaq ony ýchaskelik polısıa pýnktine jetkizip, qajetti qujattardy resmı túrde rásimdep, telefondy ıesine qaıtardy. Áskerı jasaq quramynda top bastyǵy qatardaǵy Vácheslav Kım jáne patrúldeýshi sarbaz qatardaǵy Aleksandr Ostapenko boldy. Top jetekshisi ózderine júktelgen mindettiń mańyzyn atap ótti:
-Ulttyq ulan sarbazy úshin eń bastysy – tártip pen adaldyq. Biz tabylǵan zatty ıesine qaıtarý arqyly ózimizdiń azamat aldyndaǵy jaýapkershiligimizdi kórsettik. Biz qyzmette óte qyraǵy ári adal bolýymyz kerek, – dedi qatardaǵy Vácheslav Kım.
Telefon ıesi ulandyq sarbazdarǵa shynaıy alǵysyn bildirip, olardyń adal qyzmetine rızashylyǵyn jetkizdi.
Qyraǵylyq pen ádildik – Ulttyq ulan jaýyngeriniń basty qarýy. Mundaı ıgi ister áskerı qyzmetshilerdiń el aldyndaǵy adal mindetin taǵy bir dáleldeı tústi.
QR İİM Ulttyq ulany