Memleket basshysynyń tapsyrmasyna sáıkes joıqyn jer silkinisi saldarynan zardap shekken Túrkıa Respýblıkasyna gýmanıtarlyq kómek retinde $1 mln bólindi, dep habarlaıdy Almaty-akshamy.kz QR Úkimetiniń baspasóz qyzmetine silteme jasap.
QR Úkimeti 2023 jylǵy 8 aqpanda tıisti Qaýly qabyldady.
QR Qarjy mınıstrligine QR jáne basqa memleketterdiń aýmaǵynda tabıǵı jáne tehnogendik sıpattaǵy tótenshe jaǵdaılardy joıý úshin 2023 jylǵa arnalǵan respýblıkalyq búdjette kózdelgen QR Úkimetiniń tótenshe rezervinen QR Syrtqy ister mınıstrligine bir mıllıon AQSH dollaryn bólý tapsyryldy.
Óz kezeginde syrtqy saıası vedomstvo zańnamada belgilengen tártippen atalǵan qarajatty túrik tarapynyń arnaıy shotyna aýdarýǵa tıis.
Qaýly qol qoıylǵan kúninen bastap qoldanysqa engiziledi.