Premer-mınıstr Oljas Bektenov jahandyq ınvestısıalar boıynsha VII Qazaqstandyq dóńgelek ústelge qatysty, dep habarlaıdy aqshamnews.kz
Premer-mınıstr elimizdiń mańyzy basym baǵyty ónerkásipti damytý ekenin atap, sheteldik kompanıalardy qazaqstandyq bıznes-qoǵamdastyqpen tyǵyz áriptestikke shaqyrdy.
«Qazaqstan Úkimeti turaqty jáne boljamdy ınvestısıalyq ahýaldy qoldaý úshin bar kúshin salady. Jobany iske asyrýdyń árbir kezeńinde ınvestorlarmen tikeleı ózara is-qımyl jasaýǵa úlken mán beremiz, sizderdiń quqyqtaryńyzdy qorǵaýǵa basymdyq berilgen. Otandyq kompanıalar iri ınvestorlarmen jetkizý tizbeginde jumys isteı otyryp, tájirıbe jınap, sapa standarttaryn arttyratyn bolady. Mýltıplıkatıvti iri ınvestısıalyq jobalar ártaraptandyrylǵan ekonomıkalyq ekojúıeniń qalyptasýyna yqpal ete otyryp, SHOB beldeýiniń damýyna áser etedi. Biz Qazaqstandaǵy sheteldik óndiristerdiń damýymen ónimderdegi qazaqstandyq qamtýdyń úlesin arttyrýǵa talpynatyn bolamyz. Qazaqstandaǵy kadrlardy qoldaý máselesine erekshe kóńil bólinedi. Biz sheteldik ınvestorlardyń barlyq deńgeıde jergilikti mamandardy belsendi túrde eńbekpen qamtýyn quptaımyz ári qoldaımyz. Qazaqstan Úkimeti turaqty jáne boljamdy ınvestısıalyq ahýaldy qoldaý úshin bar kúshin salady», — dep atap ótti Oljas Bektenov.
KGIR–2024 qorytyndysy boıynsha jalpy somasy $7 mlrd bolatyn 32 qujat paketine qol qoıyldy, onyń ishinde Premer-mınıstrdiń qatysýymen:
- Aqmola oblysy ákimdigi, KAZAKH INVEST jáne Dalian Hesheng Holding Group arasyndaǵy bıdaıdy tereń óńdeý boıynsha quny $650 mln bolatyn strategıalyq yntymaqtastyq týraly kelisim;
- QR Ónerkásip jáne qurylys mınıstrligi, KAZAKH INVEST jáne CHN Energy arasyndaǵy kómir hımıa ónimderin óndirý boıynsha $4 mlrd-qa strategıalyq yntymaqtastyq týraly kelisim;
- «Orhun Medical» JSHS men Qazaqstan Úkimeti arasyndaǵy QR densaýlyq saqtaý salasynyń medısınalyq qyzmetteri men ınfraqurylymyn jaqsartý boıynsha $80 mln-ǵa ınvestısıalyq kelisim;
- «SILK WAY ENERGY LTD» men QR Úkimeti arasyndaǵy Jetisý oblysynyń Panfılov aýdanynda táýligine 1 000 000 nm3 qýat tutynatyn tabıǵı gazdy suıyltý zaýyt salý týraly jalpy quny $305 mln-dy quraıtyn ınvestısıalyq kelisim;
- «NK «QTJ» AQ men «Transporteıshn Gloýbel El-El-Sı» arasyndaǵy temirjol mashına jasaý salasynda sıfrlandyrý men jasandy ıntellekt elementterin engizý boıynsha jobany iske asyrý týraly kelisim;
- «Carlsberg Kazakhstan» JSHS men Qazaqstan Respýblıkasy Aýyl sharýashylyǵy mınıstrligi arasyndaǵy elimizde alkogólsiz sýsyndar shyǵaratyn zaýyt salý boıynsha jalpy quny $100 mln bazalyq qaǵıdattar týraly negizdemelik kelisim;
- «Shın-Laın» JSHS men Qazaqstan Syrtqy ister mınıstrligi arasyndaǵy álemniń jetekshi kompanıalarynyń qatysýymen Almaty oblysynda azyq-túlik klasterin qurý týraly bazalyq qaǵıdattar týraly negizdemelik kelisim (35 óndiris orny pysyqtaýda);
- Qostanaı oblysynyń ákimdigi men «Tech Digital» JSHS arasyndaǵy alúmını qorytpalarynan jasalǵan joǵary sapaly shybyqtar men profılder óndirý salasyndaǵy bazalyq qaǵıdattar týraly kelisim;
- Batys Qazaqstan oblysynyń ákimdigi men «Hyundai Solar KZ 777» JSHS arasyndaǵy quny $167 mln bolatyn kún elektr stansasyn, qaldyqtardy óńdeý keshenin, qoqys jaǵý keshenin, modýldik jylyjaı keshenin salý jónindegi yntymaqtastyq týraly memorandým;
- «QazaqGaz» UK» AQ men CNPC arasyndaǵy «Soltústik 1» blogyndaǵy geologıalyq barlaý jumystarynyń áleýetin zertteýdiń birlesken jospary;
- «Otbasy banki» AQ men Azıa damý banki arasyndaǵy elimizde ınklúzıvti jáne jasyl turǵyn úıdi qarjylandyrýdy ilgeriletý jobasy boıynsha ózara túsinistik týraly memorandým.
Plenarlyq sesıa sheńberinde úzdik ınvestor-kompanıalar: ónerkásiptik, medısınalyq gazdar jáne ınjınırıń salasyndaǵy Linde Gas GmbH kásiporny, Shin-Line azyq-túlik óndirisi, KazFoodProducts dándi daqyldardy tereń óńdeý jáne kondıterlik ónimderdi óndirý jónindegi kompanıalar toby, Enhun Medical densaýlyq saqtaý salasyndaǵy kompanıalar toby, Jiaxin International Resources Investment vólfram kenderin ıgerý jónindegi kásiporyn, Alstom temirjol mashına jasaý kásiporny, Zerde-Ceramics Aktobe farfor plıtkalaryn shyǵaratyn zaýyt, Zharkent Starch Plant júgeri óńdeý kásiporny, Qazaqstannyń jetekshi temirjol klasteri Railways Systems KZ, Sarlsberg Group syra qaınatý kompanıasy atap ótildi.