Almatyda Jambyl atyndaǵy Qazaq memlekettik akademıalyq fılarmonıa sahnasynda halyq aqyny, ánshi-kompozıtor, «Alataýdyń bulbuly» Jetisý án mektebiniń kórnekti ókili Kenen Ázirbaevtyń 140 jyldyǵyna oraı N.Tilendıev atyndaǵy akademıalyq fólklorly-etnografıalyq «Otyrar sazy» orkestriniń konserti ótti, dep habarlaıdy aqshamnews.kz.
Konserttik baǵdarlamada Kenen Ázirbaevtyń «Qordaı», «Anama», «Boztorǵaı» ánderi, sondaı-aq, aqynnyń orkestrge óńdelgen jáne N.Tilendıev pen Qazaqstan kompozıtorlarynyń shyǵarmalary oryndaldy. İs-sharada Qazaqstannyń halyq ártisi, ánshi-kompozıtor Altynbek Qorazbaev qazaq dúldiliniń ónegeli ómiri men shyǵarmashalyǵy jaıynda sóz sóıledi.
Sonymen qatar, Qazaqstannyń Halyq ártisi Ramazan Stamǵazıev, Qazaqstannyń eńbek sińirgen qaıratkeri Nurjan Janpeıisov, Mádenıet salasynyń úzdigi Sholpan Darjanova, Beıbit Musaev jáne fılarmonıa solıseri óner kórsetti.
İs-sharaǵa Qazaqstannyń eńbek sińirgen qaıratkeri Jalǵasbek Begendikov dırıjerlik etti. Orkestrdiń kórkemdik jetekshisi – Qazaqstannyń eńbek sińirgen qaıratkeri Dinzýhra Tilendıeva.
Konsertke Kenen Ázirbaev murasyn halyq arasynda nasıhattap júrgen Tórtken Kenenqyzy bastaǵan urpaqtary qatysty.