Negizgi maqsat - otandyq taýarlarmen almastyrý.
Qazaqstan Premer-Mınıstriniń orynbasary Eraly Toǵjanov «Halyqtyń tabysyn arttyrý» baǵdarlamasyn tanystyrý barysynda ımportqa táýeldilikti qalaı jabýǵa bolatynyn aıtty, dep habarlaıdy Almaty-akshamy.kz.
«Importtalatyn azyq-túlik taýarlaryn 100% otandyq taýarlarmen almastyrý jobasy negizgi maqsat etip qoıylyp otyr. Búgingi kúnniń ishinde 80% deńgeıinde ózimizdi qamtamasyz etýge múmkindigimiz bar, qalǵan 20%-yn syrttan ákelýge májbúrmiz. 2025 jylǵa deıin qalǵan 6 taýar boıynsha ımportqa táýeldiligimizdi tolyqtaı jabýǵa múmkindigimiz bolady, tek qant deńgeıi 80% kóleminde qalady»,- dedi Eraly Toǵjanov.
Josparǵa sáıkes, 2024 jyldyń sońyna deıin sút-taýar fermalaryn, et kombınattaryn, qus fabrıkalaryn jáne basqa da óndiristerdi iske qosý esebinen azyq-túlik ónimderiniń ımportyn almastyrý 100% qamtamasyz etiledi.