Úmitkerlerdiń senimdi ókilderimen áńgimelesti.
Qasym-Jomart Toqaev Qazaqstan halqy Assambleıasynyń HHH sesıasy aıasynda QR Parlamenti Májilisiniń shyǵyp qalǵan depýtatynyń ornyna QHA atynan usynylatyn depýtatty saılaýǵa qatysyp, daýys berdi, dep habarlaıdy Almaty-akshamy.kz Aqorda saıtyna silteme jasap.
Prezıdent daýys bergennen keıin depýtattyqqa úmitkerlerdiń senimdi ókilderimen áńgimelesti. Memleket basshysy aldaǵy ýaqytta Konstıtýsıaǵa ózgeris engiziletindikten, mundaı formattaǵy saılaý sońǵy ret ótip jatqanyn atap ótti.
«Biraq bizdiń Parlamentte Qazaqstan halqy Assambleıasynyń tıisti oryndary saqtalady», – dedi Qasym-Jomart Toqaev.
Buǵan deıin Memleket basshysy Qazaqstan halqyna arnaǵan Joldaýynda Konstıtýsıaǵa ózgertýler engizýdi usynǵan bolatyn. Osy rette QHA kvotasy Májilisten Senatqa aýystyrylyp, depýtattar sany 9-dan 5-ke deıin qysqarady.
