Qazaqstan Túrkıaǵa órt sóndiretin 2 arnaıy tikushaq pen 16 qutqarýshy jiberdi, dep habarlaıdy Almaty-akshamy.kz QR TJM resmı ókili Talǵat Ýálıge silteme jasap.
«Qazaqstan Prezıdenti Qasym-Jomart Toqaevtyń tapsyrmasy boıynsha QR Tótenshe jaǵdaılar mınıstrligi sýaǵar qurylǵylary bar «Qazavıaqutqarý» AQ-nyń Mı-8 AMT eki tikushaǵyn jáne quramynda 16 qutqarýshy bar jedel tobyn orman órtterin sóndirýge kómek kórsetý úshin Túrkıa Respýblıkasyna jiberdi», - dedi Talǵat Ýálı.
Búgin ushyp shyqqan Qazaqstan tikushaqtary úsh memlekette aıaldap, olardyń shekarasy arqyly Túrkıanyń Muǵla qalasyna jetedi. Jedel topty Nur-Sultan qalasynyń áýejaıynda QR TJM birinshi vıse-mınıstri Ibragım Kúlshimbaev shyǵaryp saldy.
«Qutqarýshylarymyzdyń jergilikti túrik bıligimen ózara is-qımylyn Qazaqstannyń Túrkıadaǵy Elshiligi úılestiredi. Qazaqstan órtengen aýmaqtardaǵy orman jamylǵysyn qalpyna keltirýge gýmanıtarlyq kómek kórsetýge nıetti. Otyrǵyzylǵan orman qazaq jáne túrik halyqtarynyń arasyndaǵy dostyq pen baýyrlastyq baılanystardyń sımvoly bolady», – dedi TJM resmı ókili.
Anadoly agenttigi Túrkıada 28 shilde men 6 tamyz aralyǵynda bolǵan 208 orman órtiniń 196-sy aýyzdyqtalǵanyn habarlaǵan edi.