Bul týraly Densaýlyq saqtaý mınıstrliginiń saıtynda málim boldy.
QR Densaýlyq saqtaý mınıstri Aqmaral Álnazarova DDU ınfeksıalyq aýrýlar, qorshaǵan orta jáne densaýlyq bóliminiń dırektory Robb Batlermen kezdesý ótkizdi.
Taraptar Qazaqstanda «Týberkýlez indetin joıýǵa arnalǵan DDU úzdik praktıkalar ortalyǵynyń» ashylýyn talqylady, dep habarlaıdy aqshamnews.kz.
El DDU Eýropalyq búrosynyń usynystary men jahandyq maqsattaryna joǵary mindetteme kórsete otyryp, týberkýlezge qarsy kúreste aıtarlyqtaı ilgerileýshilik kórsetýde. Syrqattanýshylyq pen ólim deńgeıi tómendeıdi, bul osy ınfeksıany dıagnostıkalaý, emdeýdiń jáne profılaktıkanyń eń jaqsy standarttaryn engizý arqyly júzege asyrylady.
Vedomstvo basshysy Týberkýlezdi joıý isindegi sheshimdi odan ári nyǵaıtýǵa, elder arasynda tájirıbe almasýǵa, Ortalyq Azıada ǵana emes, DDU-nyń Eýropalyq óńirinde de dıalog pen qyzmetti úılestirýge yqpal ete otyryp, Qazaqstan ortalyq ashý úshin eń jaqsy alań bolatynyna senim bildirdi.
Kezdesý Kún tártibinde sondaı-aq, búgin Astanada ótip jatqan DDU, BUU, EO ókilderiniń qatysýymen «Qorshaǵan ortany qorǵaý máseleleri jáne adam, janýarlar men qorshaǵan ortanyń ózara is-áreketi arqyly múmkin bolatyn sheshimder» atty ekinshi áriptester forýmy talqylandy.
Qazaqstannyń densaýlyq saqtaýdyń negizgi baǵyttary boıynsha jetistikterin atap ótip, Robb Batler myrza Aral óńiri salasyndaǵy halyqtyń densaýlyq kórsetkishterine áser etetin ekologıalyq problemalardy sheshý jónindegi eldik bastamalardy qoldaýǵa daıyn ekenin bildirdi.
Kezdesýdiń sońynda taraptar ekologıalyq faktorlardyń azamattardyń densaýlyǵy men ál-aýqatyna áser etýiniń jaǵymsyz saldaryn azaıtý maqsatynda ózara is-qımyldy kúsheıtýge jáne strategıalyq tásilderdi ázirleýge kelisti. Sondaı-aq, ımmýndaý arqyly ınfeksıalardyń profılaktıkasyn nyǵaıtý máselelerinde túsinistik pen qoldaý tabyldy.