Qazaqstan polıseıleri Nıderlandynyń Aıbergen qalasynda ótip jatqan shaǵyn fýtboldan «World Police Indoor Soccer Tournament» halyqaralyq týrnıriniń jeńimpazy atandy, dep habarlaıdy aqshamnews.kz.
Polisia.kz málimetine saı, bul jarys 1982 jyldan beri ótkizilip keledi jáne jyl saıyn álemniń túkpir-túkpirinen túrli memlekettik qurylymdardyń qyzmetkerlerin jınaıdy.
Jalpy bul sporttyq saıysqa polısıa qyzmetkerleri, órt sóndirýshiler, keden qyzmetkerleri, áskerıler men salyq ınspektorlary qatysady. Jarys tórt sanat boıynsha ótkiziledi: erler, áıelder, 35 jastan jáne 45 jastan asqan er adamdar. Ótken jyly týrnırge 25 elden 106 komanda qatysty. Bıyl da qatysýshylar sany sol deńgeıde.
Qazaqstan İİM namysyn Shymkent qalasy polısıa departamentiniń qyzmetkerleri qorǵady. Olar joǵary daıyndyq deńgeıin kórsetip, birinshi oryndy ıelendi.