Mıdyń jumys isteý qabiletin jaqsartyp, aqyl-oı belsendiligin arttyrýdyń san túrli amaly bar.
Kúndelikti paıdaly taǵam tutynýdan bastap, jańa daǵdylardy meńgerýge deıin. Alaıda bul amaldardy iske asyrý, nátıje kórý úshin kóp ýaqyt kerek. Neırobıologtar mı jumysyn jaqsartýdyń eń qarapaıym ári eń jyldam ádisin anyqtady, dep habarlaıdy aqshamnews.kz Ernur.kz-ke silteme jasap.
Bul – jaı ǵana serýendeý. Neırobıolog, Nú-Iork ýnıversıtetiniń profesory Vendı Sýdzýkı dyń aıtýynsha, «10 mınýttyq serýendeý qorqynysh pen depressıa deńgeıin tómendetedi, mıdyń jumys isteýin jandandyrady».
Sýdzýkı 10 mınýttyq serýenniń áseri «dofamın, serotonın sıaqty nerohımıalyq zattar kópirshigi tolǵan ystyq bulaýmen» teń ekenin jetkizdi. Aılar men jyldar boıy turaqty serýendeý mıdy paıdaly neırohımıalyq zattarmen ǵana emes, sonymen qatar onyń densaýlyǵyn jaqsartýǵa kómektesetin ósý faktorlarymen qamtamasyz etedi.
Jaıaý serýendeý daǵdysyn bastaýǵa eshqashan kesh emes. 75 jasqa deıin úıkúshik bop úırenip qalǵandar da osy jasynan keıin bastasa, biraz paıdasyn alyp úlgeredi. Fızıkalyq belsendilik barlyǵyna da paıdaly jáne eń jaqsy jattyǵý — qýanysh ákeletin jattyǵýlar. UniSA jańa zertteýi jumys ornyndaǵy densaýlyqty jaqsartýǵa arnalǵan oıyn baǵdarlamasyna arnaldy. Oıyn túrinde uıymdastyrylǵan kúndelikti 15 mınýttyq qımyl-qozǵalys qyzmetkerlerdiń fızıkalyq belsendiligin arttyratynyn kórsetken.