Japondyq The Asahi Globe Olga Rypakovanyń Tokıo Olımpıadasyndaǵy kostúmin eske saldy
Beıjińdegi qysqy Olımpıada oıyndary saltanatty túrde ashyldy. Beıjiń oıyndarynyń resmı ashylýy álemge «Qus uıasy» atymen tanylǵan Ulttyq stadıonda ótti. Munda qysqy jáne jazǵy oıyndardyń ashylý rásimi uıymdastyrylǵan, dep habarlaıdy Almaty-akshamy.kz olympic.kz saıtyna silteme jasap.
Ashylý saltanatynyń eń este qalarlyq sátteriniń biri – Qazaqstan komandasynyń tý ustaýshylary Ekaterına Aıdova men Abzal Ájiǵalıevtiń Saq patshaıymy men qazaq batyry keıpinde ortaǵa shyǵýy edi. Bizdiń atletterdiń kostúmi álem nazaryn taǵy da ózine aýdardy. Kóptegen sheteldik basylymdar bizdiń sportshylar kostúminiń stıli men ereksheligine jıi toqtalǵan.
Tý ustaýshylardyń formasyn sóz qylǵan halyqaralyq basylymdar tús úılesimi men stılge basa mán beredi. Máselen, brıtandyq The Guardian basylymy Olımpıadanyń ashylýyndaǵy 11 erekshe sátke toqtalyp, olardyń qatarynda qazaqstandyq delegasıany da qosqan.
«Qazaqstandyq kónkıshi Ekaterına Aıdova ózge elderdiń kostúmge qatysty oıyn tas-talqan etti. Sondaı-aq Qazaqstandyq komanda sharftaryn túsirip, kópshilikke bulǵady», - dep jazdy basylym.
Japondyq The Asahi Globe Olga Rypakovanyń Tokıo Olımpıadasyndaǵy kostúmin eske saldy.
«4 aqpan kúni ótken Beıjiń Olımpıadasynyń ashylý saltanatynda Qazaqstan komandasynyń tý ustaýshylary taǵy da keremet ulttyq kostúmde shyǵyp, áleýmetti jeli nazaryn aýdardy. Ótken jylǵy Tokıo Olımpıadasynda Oga Rypakova jarqyraǵan aq kóılek kıip, álem jankúıerleri ony «Qazaqstan hanshaıymy» dep ataǵan edi. Eki sportshy el aldyna shyqqanda, álemdegi Tvıtter qoldanýshylary kostúmderdiń ádemiligin sóz etti. Sondaı-aq jeli qoldanýshylary kostúmderdiń tústerin erekshe atap ótken», - dep jazdy qoldanýshylar.
Amerıkalyq The Insider basylymy qazaqtandyq tý ustaýshylardyń kostúmin «dramalyq» dep atady.
«Tý ustaýshylar Ekaterına Aıdova men Abzal Ájiǵalıev Qazaqstandy arenaǵa dramalyq qara kıimdermen alyp shyqty. Olardyń sońynan forma kıgen delegasıa ókilderi erdi. Ekaterına Aıdova altynmen órnektelgen klasıkalyq órnek salynǵan kıimimen kópshilikti tańyrqatty», - dep jazdy amerıkalyq basylym.
The Insider Olımpıadanyń ashylýyna arnalǵan fotoreportajda Qazaqstan komandasyna taǵy da oryn berip: «Qazaqstandyq Ekaterına Aıdova altyn oıýlarmen órnektelgen kostúmimen jarqyraı tústi», - dep jazǵan.
Saıasat pen mádenıettegi mańyzdy oqıǵalardy málimdeıtin amerıkalyq Slate ınternet-basyly quramanyń formasyn erekshe atap ótti:
«Garderobta horegorafıa keremet, Kazakhstan. Nemese, keshirińizder, Qazaqstan? Retrofýtýrıstik shrıftti jaqsy kóremiz. Al kúrtedegi detaldar – keremet, sporttyq kıim úshin erekshe jumsaq shtrıh», - dep jazdy ınternet basylym.
Olımpıda jańalyqtarynyń eń basty derekkózderiniń biri Inside the Games kostúm dızaıneriniń pikirin bólisken. «Qazaqstannyń baı tarıhy bizdiń keremet obrazdy jasaqtaýymyzǵa sebep boldy», - degen bolatyn dızaıner.
Japonıanyń iri basylymy Ýomiuri qazaqstandyq tý ustaýshylar týraly «Taǵy da hanshaıym keldi» taqyrybymen maqala jarıalady. «Tokıonyń izin ala qazaqstandyq tý ustaýshylardyń ádemi kostúmi Beıjińde jalǵasyn tapty», - dep jazǵan japondyqtar.