QR Qorǵanys mınıstrliginiń Shoqan Ýálıhanov atyndaǵy áskerı kolejiniń «Amandyq» oqý ortalyǵynyń bazasynda serjanttardyń Búkilarmıalyq XV baıqaýy aıaqtaldy, - dep habarlaıdy Aqshamnews.kz.
Jas komandırler arasyndaǵy týrnırge bólimderde, quramalar men óńirlik qolbasshylyqtarda irikteýden ótken toqsanǵa jýyq serjant qatysty. Áskerı qyzmetshilerdiń jaýyngerlik jáne dene daıarlyǵy jeke jáne komandalyq esepter boıynsha baǵalandy.
– Bıylǵy jıynnyń ereksheligi taktıkalyq medısına elementterimen naqty urys jaǵdaıyn modeldeıtin senarılerdi pysyqtaý, taýly nemese joǵarǵy relefti jerde baǵdar tabý, bólimshe quramynda urys júrgizý boldy, – dedi QR QK Bas serjanty sheber-serjant Temirbek Halyqov.
Baıqaý segiz kezeńnen turdy. 7 jattyǵýdy qamtıtyn kópsaıys túrinde ótken «Aıbyn» áskerı-sporttyq jarysynda Desanttyq-shabýyldaý áskerleri 48386 áskerı bóliminiń áskerı qyzmetshisi serjant Jandarbek Isabekov jeke esepte úzdik dep tanyldy. 14776 áskerı bóliminen aǵa serjant Bekzat Ájiǵalıev «Baǵdar» nomınasıasynda topografıalyq kartalardy paıdalaný, shaıqasta jáne marshta baǵdarlaý jónindegi normatıvterdi oryndaýda jeńimpaz boldy. Taktıkalyq medısına boıynsha ótken «Járdem» jarysynda «Ońtústik» óńirlik qolbasshylyǵy 66597 áskerı bóliminiń ókili 2-synypty serjant Almat Amanbaev úzdik atandy.
«Qaısar» áskerı-kásibı saıysynda serjanttar tolyq jabdyqtalǵan kedergiler jolaǵyn eńserdi. Munda Desanttyq-shabýyldaý áskerleri 18404 áskerı bóliminen 3-synyp serjant Jandos Raqymǵazy úzdik nátıje kórsetti. 15 keli júkpen 21 shaqyrymǵa jasaǵan marsh kezinde ol 2 saǵatpen rekord jasady. «Bilimpaz» zıatkerlik saıysynda Áskerı polısıa bas basqarmasynyń atynan qatysqan 3-synypty serjant Ermek Júnisov jeńimpaz boldy. «Mergen» jarysynda 14776 áskerı bóliminen 3-synypty serjant Danıar Saparalıev úzdik atqysh atandy. Taktıkalyq daıyndyq boıynsha 7 normatıv pen jattyǵýdy qamtıtyn «Kerýen» kezeńinde «Batys» óńirlik qolbasshylyǵy 30238 áskerı bóliminiń 2-synypty serjanty Tileýbaı Mahambetov jeńiske jetti. Ol sondaı-aq «Jekpe-jek» jarysynda da úzdik tehnıkalyq jekpe-jek sheberi dep tanyldy.
Jalpy komandalyq esepte birinshi oryndy Desanttyq-shabýyldaý áskerleriniń komandasy jeńip aldy. Ekinshi oryndy 14776 áskerı bólimi ıelendi. «Batys» óńirlik qolbasshylyǵy jeńistiń úshinshi satsyna kóterildi.
Desanttyq-shabýyldaý áskerleri 18404 áskerı bóliminiń áskerı qyzmetshisi 3-synypty serjant Jandos Raqymǵazy «Ásker tuǵyry» absolútti jeńimpaz atndy.
Uıymdastyrýshylar atap ótkendeı, jarysqa qatysýshylar joǵary kásibılik, tamasha taktıkalyq daıyndyq jáne kúsh-qýat tózimdiligin kórsetti. Baıqaý myqty serjanttardy anyqtap qana qoımaı, kásibı daǵdylardy jetildirýge, tájirıbe almasýǵa jáne jaýyngerlik rýhty nyǵaıtýǵa yqpal etedi.