Qantqa qosymsha qajettilik shamamen 45 myń tonnany quraıdy.
Aýyl sharýashylyǵy mınıstri Erbol Qarashókeevtiń aıtýynsha, árbir qant zaýytyna logıstıkaǵa baılanysty jekelegen óńirlerdi qamtý bekitilmek, dep habarlaıdy Almaty-akshamy.kz
«Qantqa qosymsha qajettilik shamamen 45 myń tonnany quraıdy, qajetti kólemderdi satyp alý máselesi pysyqtalyp jatyr. Bul rette, árbir qant zaýytyna logıstıkaǵa baılanysty jekelegen óńirlerdi bekitý usynylady. Sondaı-aq, Memleket basshysynyń tapsyrmasyna sáıkes, ÁKK-niń turaqtandyrý qorlaryna belgilengen baǵamen qanttyń qajetti kólemin kepildi satyp alý úshin zaýyttarmen forvardtyq kelisimsharttardy bekitý máselesi qarastyrylyp jatyr», – dedi vedomstvo basshysy.
Qazirgi ýaqytta mınıstrlik 126 myń tonna qant pen quraq qant shıkizatyn bajsyz ákelýge kvota berdi.
«Kvotanyń qalǵan bóligine (124 myń tonna) ótinimder qabyldaýdy júzege asyryp jatyr, qant eksportyna tyıym salýdy engizýge bastama jasaldy, bajsyz qantty ákelýdi kvotalaý jónindegi NQA-ǵa ózgerister engizilýde (halyqqa tikeleı satý múmkindigi). Bul rette qantty ákelýge ruqsat berý tártibin engizý, baǵa belgileýdiń búkil tizbegi boıynsha aq qant pen shıki qantty ımporttaýǵa jáne ótkizýge qosylǵan qun salyǵyn nólge keltirý, sondaı-aq zaýyttardy tolyq júkteý úshin egis alańdary men qant qyzylshasynyń jalpy kólemin ulǵaıtý usynylady», – dep atap ótti mınıstr.