QR Prezıdenti: Qazaqstan men Túrkıa arasyndaǵy qatynastar ózara senimge, dostyqqa negizdelgen
Memleket basshysy Qasym-Jomart Toqaev álemde qubylmaly jaǵdaı qalyptassa da, túrkitildes memleketteri yntymaqtastyǵynyń óte mańyzdy ekenin atap ótti, dep habarlaıdy Almaty-akshamy.kz Aqorda saıtyna silteme jasap.
«Álemdegi qubylmaly jaǵdaıdy eshkim dóp basyp boljaı almaı otyr. Osyǵan qaramastan, bizdiń elderimiz arasyndaǵy qarym-qatynastar oıdaǵydaı damyp keledi. Qazaqstan men Túrkıa arasyndaǵy qatynastar ózara senimge, dostyqqa negizdelgen», – dedi Qazaqstan Prezıdenti.
Qasym-Jomart Toqaev Túrkıanyń halyqaralyq arenadaǵy bedeliniń artyp kele jatqanyna toqtalyp, baýyrlas eldiń jetistigine qýanatynyn jetkizdi. Sonymen qatar Memleket basshysy eki el arasyndaǵy yntymaqtastyqtyń bolashaǵyn joǵary baǵalady.
«Qarasha aıynda bizdiń elde ótetin Túrki keńesi elderiniń samıtinde túrki áleminiń birligi men yntymaqtastyǵyn odan ári keńeıtý jóninde birqatar mańyzdy sheshim qabyldanady degen úmittemiz. Ózińizdi sol samıtte kútemiz», – dedi Túrkıa Uly ulttyq jınalysynyń tóraǵasy.