Prezıdent óte kúrdeli ári názik jumys júrip jatqanyn aıtty.
QR Prezıdenti Qasym-Jomart Toqaev Reseı men Batys arasyndaǵy sanksıalyq soǵysqa qatysty Qazaqstannyń ustanymy týraly aıtty, dep habarlaıdy Almaty-akshamy.kz QazAqparatqa silteme jasap.
«Sanksıanyń aty sanksıa. Olardy buzbaýymyz kerek. Onyń ústine sanksıalar buzylǵan jaǵdaıda bizdiń ekonomıkamyzǵa da Batystyń «qaıtalama sanksıalary» salynatyny týraly eskertpeler alamyz. Iaǵnı, «Sılla men Harıbda arasyndaǵy» jol sekildi óte kúrdeli ári názik jumys júrip jatyr», - dedi Qasym-Jomart Toqaev reseılik jýrnalıs Andreı Kondrashovqa bergen suhbatynda.
Sonymen birge Prezıdent Reseı Úkimetimen jumys jalǵasyp jatqanyn aıtty.
«Reseı Úkimetimen jumysty jalǵastyryp jatqanymyzdy atap ótkim keledi, tipti sanksıalardy buzbaı-aq qajetti kelisimderge qol jetkizýdemiz. Kúrdeli suraqtar da bar, olar osy nemese basqa jaǵdaıdy qalaı sheshýge bolatynyn túsiný úshin ýaqytty qajet etedi. Degenmen bul máselelerdiń de sheshimin taýyp jatyrmyz. Mundaı jaǵdaı buryn-sońdy bolǵan joq. Dál qazirgi jaǵdaıda bolarymyzdy eshkim kútken joq. Biraq shyndyq osy, atalǵan jaǵdaıdan týyndaıtyn máselelerdi sheshýimiz kerek», - dedi Qasym-Jomart Toqaev.