Kaspıı qubyr konsorsıýmynyń qubyr júıesine zaqymdandy
Kaspıı qubyr konsorsıýmynyń qubyr júıesine zaqym kelýine baılanysty Qazaqstan munaı eksportyn balamaly baǵyttar boıynsha ulǵaıtý múmkindikterin pysyqtap jatyr, dep habarlaıdy Almaty-akshamy.kz.
Bul týraly QR Energetıka mınıstrligi baspasóz qyzmeti málimdedi. QR Energetıka mınıstrligi málimetinshe, Novorossıısk aýmaǵynda qatty daýyl bolyp, bul Kaspıı qubyr konsorsıýmy termınaly jumysyna áser etken.
KQK aqparatyna qaraǵanda, bıylǵy 22 naýryzdaǵy kezekten tys tekserý barysynda arnaıy úshinshi jabdyqtyń tiregi ornynan jyljyp ketken, sondaı-aq arnaıy ekinshi jabdyqtyń júıesine zaqym kelgeni belgili boldy. Osyǵan baılanysty KQK tıisti jóndeý júrgizý úshin atalǵan jabdyqtardyń jumysyn ýaqytsha toqtata turý týraly sheshim qabyldady.
«Qazirgi ýaqytta Energetıka mınıstrligi Kaspıı qubyr konsorsıýmymen teńiz termınalynyń jumysyn qalpyna keltirý merzimderi boıynsha konsýltasıalar ótkizip jatyr. Bul rette munaı eksportyn balamaly baǵyttar boıynsha ulǵaıtý múmkindikteri pysyqtalyp jatyr», - delingen QR Energetıka mınıstrligi aqparatynda.