Radıasıalyq, hımıalyq jáne bıologıalyq qorǵaý salasyndaǵy yntymaqtastyq máseleleri týraly sóz boldy.
Qazaqstan men Túrkıa áskerıleri búgingi tańda, ıaǵnı pandemıa kezinde ózekti bolyp tabylatyn yntymaqtastyqtyń talaptaryn talqylady, dep habarlaıdy Almaty-akshamy.kz. Eki memleket áskerıleri ózekti máseleni beınekonferensıa barysynda talqylaǵan.
Kelissózderge Qazaqstan tarapynan bas shtab bastyǵy – Radıasıalyq, hımıalyq jáne bıologıalyq qorǵaý áskerleri departamentiniń bastyǵy, podpolkovnık Erjan Qulmaǵambetov qatysty.
Búgingi kúni bul baǵyt memleketterimiz úshin óte ózekti bolyp tabylady. Bizdiń pikirimiz boıynsha, osy saladaǵy yntymaqtastyqty uıymdastyrý eki eldiń qorǵanys qabiletiniń jaı-kúıine oń yqpal etedi, – dep atap ótti ol.
«Podpolkovnık Erjan Qulmaǵambetovtiń aıtýynsha, búgingi kúni negizgi basymdyq áskerlerdiń soǵys ýaqytynda da, beıbit kezeńde de mindetterdi oryndaýǵa ázir bolýyn arttyrý maqsatynda Qazaqstan Qarýly Kúshteriniń radıasıalyq, hımıalyq jáne bıologıalyq qorǵaý júıesin damytý jáne jańǵyrtý bolyp tabylady.
Taraptar mamandardy daıarlaýǵa, bólimshelerdiń jaýyngerlik daıarlyǵy prosesine jáne olardy tehnıkalyq jaraqtandyrýǵa qatysty ózara is-qımyldyń perspektıvalyq baǵyttaryn talqylady», - delingen Qorǵanys mınıstrliginiń baspasóz qyzmetiniń habarynda.
Mamandardyń aıtýynsha, radıasıalyq, hımıalyq jáne bıologıalyq qorǵaý – bul Qazaqstan men Túrkıa qorǵanys vedomstvolary arasyndaǵy yntymaqtastyqtyń jańa baǵyty. Ol zaman talabyna sáıkes damytýdy qajet etedi. RHBQ áskerleriniń qajet ekenin koronavırýstyq ınfeksıa pandemıasy aıqyn kórsetip berdi. Bul kezeńde áskerı qyzmetshiler áleýmettik turǵydan mańyzdy obektilerdi dezınfeksıalaý jónindegi mindetterdi oryndady.
