Buqaralyq, otbasylyq, eske alý is-sharalaryn ótkizýge tyıym salynady.
Almaty oblysynda koronavırýs boıynsha epıdemıologıalyq jaǵdaı nasharlap otyr. Bul jaıynda Almaty oblysynyń sanıtarlyq-epıdemıologıalyq baqylaý departamenti basshysynyń orynbasary Asqat Charapıev brıfıń barysynda aıtty, dep habarlaıdy Almaty-akshamy.kz.
Oblys boıynsha KVI ósý qarqyny sońǵy 2 aptada 0,7%-dan 0,9% deıin artty.
Epıdemıologıalyq matrısanyń baǵalaýy boıynsha, Alakól, Talǵar, Balqash, Eńbekshiqazaq, Panfılov, Sarqan jáne Tekeli, Taldyqorǵan qalalary «qyzyl» aımaqta, İle, Qaratal, Jambyl, Qarasaı, Kerbulaq, Kóksý, Uıǵyr jáne Aqsý aýdandary «sary» aımaqta, al qalǵan qalalar men aýdandar «jasyl» aımaqta ornalasqan.
«Demalys kúnderi lokdaýn jarıalanady. Balalar men eresekterge arnalǵan bilim ortalyqtarynyń, ashyq jáne jabyq bazarlardyń (azyq-túlik jáne azyq-túlik satpaıtyn) qoǵamdyq tamaqtaný nysandarynyń, jazǵy alańdardyń, saýda úıleri men qoǵamdyq kóliktiń (eldi mekender ishinde) bankterdiń, HQO-lardyń, «Qazposhta» AQ bólimsheleriniń, dinı nysandardyń, SPA-ortalyqtardyń, baseınderdiń, sport keshenderiniń, sporttyq-saýyqtyrý ortalyqtarynyń, fıtnes-ortalyqtardyń, kazınolardyń qyzmetine jáne oıyn-saýyq, buqaralyq, otbasylyq, eske alý is-sharalaryn ótkizýge tyıym salynady», - dedi Asqat Charapıev.