Oǵan sebep – maldan aýsyl aýrýynyń tabylýy.
QR Aýyl sharýashylyǵy mınıstrliginiń baspasóz qyzmetiniń málimetinshe, Qazaqstan men Reseı aýsylǵa sezimtal janýarlar men olardan alynatyn ónimder men shıkizatty tasymaldaýǵa ýaqytsha shekteý qoıdy, dep habarlaıdy Almaty-akshamy.kz
QR Aýyl sharýashylyǵy mınıstrligi Reseı Federasıasy Orynbor oblysynyń Beláev aýdanynda aýsyl aýrýynyń tirkelýiniń nátıjesine oraı 31 jeltoqsan 2021 jyly QR ASHM Veterınarıalyq baqylaý jáne qadaǵalaý komıteti aýsylǵa sezimtal janýarlardy, janýarlardan alynatyn ónimder men shıkizatty Qazaqstan Respýblıkasyna ákelýge jáne Orynbor oblysynan tranzıtke ýaqytsha shekteýler engizgenin habarlaıdy.
Sonymen birge, Reseı Federasıasynyń veterınarlyq jáne fıtosanıtarlyq qadaǵalaý jónindegi federaldyq qyzmeti 2022 jylǵy 12 qańtardan bastap saqtyq qaǵıdatyna baılanysty Qazaqstan Respýblıkasynyń aýmaǵynan termıalyq óńdeýden ótken taýarlardy qospaǵanda, aýsylǵa sezimtal tiri janýarlardy, janýarlardan alynatyn ónimderdi, shıkizatty jáne azyqtardy Reseı Federasıasyna ákelýge ýaqytsha shekteýler engizdi.
Reseı Federasıasynda tirkelgen aýsyl oshaǵynyń memlekettik shekaraǵa tikeleı jaqyndyǵyn eskere otyryp, mınıstrlik shekara mańyndaǵy aýmaqta epızootıalyq monıtorıń júrgizý úshin jumys tobyn qurdy. Óńirlerdegi jumys toby veterınarıa boıynsha ulttyq referenttik ortalyqta keıingi zerthanalyq zertteýler úshin synamalar irikteýdi júrgizedi. QR Veterınarıalyq qyzmeti júrgizgen jumystyń qorytyndysy men nátıjeleri boıynsha tıisti sharalar qabyldanatyn bolady.