Bir kúnde shekara beketterinen 300-den astam adam barys-kelis jasaǵan.
Maqtaaral aýdanynda Qazaqstan men Ózbekstan Respýblıkalaryn baılanystyratyn «Syrdarıa» jáne «Selınyı» shekara beketteri qaıta ashyldy, dep habarlaıdy Almaty-akshamy.kz Egemen.kz cilteme jasap.
Ashylǵan kúni shekara beketterinen 300-den astam adam barys-kelis jasaǵan. Kúni keshe aýdan ákimi Baqyt Asanov beketterdiń jumys barysyn qadaǵalap, jaǵdaıymen arnaıy tanysty.
M-39 «Tashkent-Termez» dáliziniń boıynda ornalasqan shekara beketterin aldaǵy ýaqytta tolyq ınfraqurylymmen qamtamasyz etý josparlanyp otyrǵanyn aýdan basshysy atap ótti.
Atap aıtqanda, shekara mańynan saýda logıstıkalyq ortalyqtaryn qurý, onyń ishinde saýda bazarlary, qonaq úı, avtoturaq, qoımalar salý kózdelip otyr.
Sondaı-aq shekara beketteriniń aımaǵyna kóriktendirý, kógaldandyrý jumystary júrgizilip, keńeıtý jospary jasalatyn bolady.
«Qazirgi tańda Atakent kentiniń mańyndaǵy «Atameken» kedendik beketin «Selınnyı» shekara beketine kóshirý máselesi de kún tártibinde tur. Kórshi elge ótpekshi bolǵan júk kólikteri kedendik beket mańynda kepteliske ushyrap, Atakent kentinde jol qatynasyn qıyndata tústi. Máseleniń birden bir sheshimi - kedendik beketti kóshirý», - dedi Baqyt Nasyrhanuly.
Aıta keteıik, aýdan ákimi sala basshylaryna «M-39» halyqaralyq dálizin jóndeýden ótkizip, qalpyna keltirý úshin usynys hat daıyndaýǵa da arnaıy tapsyrma berdi.