Memleket basshysy «Ákimshilik quqyqbuzýshylyq týraly kodekske ózgerister men tolyqtyrýlar engizý týraly» zańǵa qol qoıdy.
Prezıdent maquldaǵan jańa zańda halyqty sapaly ınternetpen qamtamasyz etýge baǵyttalǵan sharalar qarastyrylǵan, dep habarlaıdy Almaty-akshamy.kz.
Eske sala keteıik, buǵan deıin Memleket basshysy baılanys salasyndaǵy tutynýshylardyń quqyqtaryn qorǵaýdy tapsyrǵan bolatyn. Tapsyrmaǵa sáıkes, Sıfrlyq damý, ınovasıalar jáne aeroǵarysh ónerkásibi mınıstrligi baılanys qyzmetterine qatysty jaýapkershilikti kúsheıtý maqsatynda jańa talaptar men ózgertýler engizdi.
«Bizdiń mınıstrlik tıisti uıymdar men baılanys operatorlaryna aıyppul mólsherin kóbeıtti. Endi buzýshylyqtar anyqtalǵan jaǵdaıda baılanys operatorlary 100 AEK ornyna 1000 AEK-ke aıyppul salady. Sapasyz ınternet bolǵan jaǵdaıda turǵyndar bizdiń mınıstrlikke elektrondy úkimet jáne E-ótinish platformasy arqyly aryz-shaǵymdaryn aıta alady», - deıdi QR Sıfrlyq damý, ınovasıalar jáne aeroǵarysh ónerkásibi mınıstrliginiń baspasóz hatshysy Erhan Tatken.