Instagram áleýmettik jelisinde «Qazaqstan kitaphanasyna» jumysqa qabyldaý týraly habarlandyrý tarady.
Qazaqstandyqtarǵa feık bos jumys oryndary usynylýda, dep habarlaıdy Almaty-akshamy.kz
Kitaptardy qaıta basyp shyqqany úshin kúnine toǵyz myń teńgeden jáne odan artyq tóleıdi eken.
Stopfake.kz-tiń málimetinshe, bul alaıaqtyq.
Mátin terýshilerdi qashyqtan jumysqa qabyldaý týraly osyndaı habarlama 2023 jyldyń basynda Qaznette taraǵan bolatyn. Vıdeodaǵy ádemi kelinshek qolaıly jaǵdaılar men kóp tabys tabýǵa bolatyny týraly aıtqan. Shyn máninde ol kúmándi qurylys jobalaryna aqsha salýǵa, belgisiz jerlerge jumysqa ornalasý shaqyrǵan aktrısa bolyp shyqty.
Bir qyzyǵy, sol kezde de, qazir de «Qazaqstan kitaphanasy» uıymy jumys usynyp otyr. Elimizde mundaı kitaphana joq. Iaǵnı, onda jumysqa ornalasý múmkin emes.
Sonymen qatar, feık bos jumys oryndaryn usyný sqemalary burynnan bar, olar jelide jaqsy sıpattalǵan. Ádette, alaıaqtar «ótinish berýshiden» birneshe tapsyrmany oryndaýdy jáne kórsetilgen shotqa «kepil» retinde az mólsherde aqsha aýdarýdy suraıdy. Bul jaı formaldylyq, ony tólegennen keıin terip shyqqan mátinder úshin qalamaqy birden tólenedi dep sendiredi. Al «kepil» tólengennen keıin alaıaqtar jábirlenýshimen baılanysty toqtatady jáne «mansap» bastalmaı turyp aıaqtalady.
Munyń bári mátin terýshilerdi jumysqa qabyldaý týraly habarlandyrý jalǵan ekenin jáne oǵan senýge bolmaıtynyn kórsetedi. Bul jelidegi kıber alaıaqtardyń isi.