Jyldyń sońyna deıin taǵy 2 mln doza preparat daıyndaý josparlanǵan.
Qaraǵandy farmasevtıkalyq kesheniniń (QFK) baspasóz qyzmetiniń málimetinshe, qazirgi ýaqytta kásiporynda eki komponentti reseılik vaksınanyń 5,1 mln-nan astam dozasy óndirilgen, dep habarlaıdy Almaty-akshamy.kz
Sondaı-aq, vaksına óndirisin jedel retke keltirýdiń shuǵyl qajettiligine baılanysty ónimdi berý jáne tirkeý buryn-sońdy bolmaǵan qysqa merzimde - eki aıdan az ýaqyt ishinde júzege asyrylǵan.
«28 shildede biz Qazaqstan Respýblıkasynyń «SK-Farmasıa» biryńǵaı dıstrıbútorymen eki komponentti vaksınanyń qosymsha 2 mln dozasyn jetkizý týraly kelisim jasastyq. Biz osyndaı mańyzdy jáne qajetti preparatty el turǵyndarynyń qajettilikteri úshin jáne kelisimshart aıaqtalǵannan keıin óndirýdi jalǵastyrýǵa daıynbyz», - dep habarlady QFK.
2020 jyldyń jeltoqsan aıynda Qaraǵandy farmasevtıkalyq kesheninde «Spýtnık V» óndirisi iske qosyldy.
Qazaqstanda COVID-19-ǵa qarsy vaksınalaý 1 aqpanda bastaldy.
Birinshi kezeńde respýblıka turǵyndary Reseıde óndirilgen «Spýtnık V» preparatymen egildi, al sol aıdyń sońyna qaraı QFK negizinde shyǵarylǵan reseılik vaksınany aımaqtarǵa jóneltý bastaldy.