Birqatar progresıvti is-sharalar qabyldady.
Qazaqstan genderlik teńsizdikke qarsy is-qımyl máselesinde Ortalyq Azıada kóshbasshy sanalady. Bul týraly elordada ótken İ Ortalyq Azıa medıaforýmynda QR Prezıdenti Ákimshiligi basshysynyń orynbasary Aıda Balaeva aıtty, dep habarlaıdy Almaty-akshamy.kz QazAqparatqa silteme jasap.
«Qazaqstan Táýelsizdik jyldarynda genderlik teńsizdikke qarsy is-qımyl salasynda birqatar progresıvti is-sharalar qabyldady. Bul memleket pen azamattyq qoǵamnyń birlesken kúsh-jigeriniń arqasynda ǵana múmkin boldy», - dedi Aıda Balaeva.
Spıker júrgizilip jatqan genderlik saıasat eldiń halyqaralyq reıtıńter men ındeksterdegi jaǵdaıyn jaqsartatynyn basa aıtty.
«2021 jyldyń qorytyndysynda genderlik teńdik ındeksi boıynsha Qazaqstan kórsetkishterin jaqsartty jáne reıtıńte 146-orynnyń ishinde 65-orynǵa kóterildi. Bul Ortalyq Azıa óńirindegi kóshbasshylyq pozısıa jáne biz kórsetkishterdiń turaqty jaqsarýyn jalǵastyrý úshin jumys istep jatyrmyz», - dedi ol.
Sondaı-aq QR Prezıdenti Ákimshiligi basshysynyń orynbasary Qazaqstannyń áıelderi negizgi pozısıalarǵa ıe ekenin aıtty.
«2030 jylǵa deıingi otbasylyq jáne genderlik saıasattyń qoldanystaǵy tujyrymdamasy osy kórsetkishterdi jaqsartýǵa múmkindik beredi. Taıaýdaǵy segiz jyl ishinde Qazaqstannyń genderlik alshaqtyqty aıtarlyqtaı qysqartý jospary bar», - dep atap ótti Aıda Balaeva.