Muqtaj azamattardyń jekelegen sanattaryna 20 AEK mólsherinde birjolǵy áleýmettik kómek kórsetiledi, dep habarlaıdy Almaty-akshamy.kz.
Almaty qalasynyń Jumyspen qamtý jáne áleýmettik baǵdarlamalar basqarmasy "Áleýmettik kómek kórsetýdiń, onyń mólsherlerin belgileýdiń jáne muqtaj azamattardyń jekelegen sanattarynyń tizbesin aıqyndaýdyń úlgilik qaǵıdalaryn bekitý týraly" QR Úkimetiniń 2013.05.21 jylǵy №504 qaýlysyna jáne "Áleýmettik kómek kórsetý, onyń mólsherlerin belgileý jáne aıqyndaý qaǵıdalaryn bekitý týraly" Almaty qalasy máslıhatynyń 2015.07.23 jylǵy №347 sheshimine sáıkes Almaty qalasynda muqtaj azamattardyń belgili bir krıterıılerge sáıkes keletin sanattaryna jarty jylda bir ret 7 AEK mólsherinde áleýmettik kómek jáne 20 AEK mólsherinde birjolǵy áleýmettik kómek kórsetiledi.
Joǵaryda kórsetilgen kómek túrlerin usyný úshin azamattar mynadaı krıterıılerge sáıkes kelýi tıis:
1) jarty jylda bir ret 7 AEK mólsherinde áleýmettik kómek: otbasynyń jan basyna shaqqandaǵy ortasha tabysy eń tómengi kúnkóris deńgeıiniń 3 eselengen mólsherinen aspaıdy
• sozylmaly búırek jetkiliksizdiginen zardap shegetin birinshi toptaǵy múgedekterge;
• zeınetkerlik jasqa jetken zeınetkerlerge.
2) birjolǵy 20 AEK mólsherinde áleýmettik kómek: otbasynyń jan basyna shaqqandaǵy ortasha tabysy eń tómengi kúnkóris deńgeıiniń 2 eselengen mólsherinen aspaıtyn ómirlik qıyn jaǵdaı týyndaǵan kezde.
Kórsetilgen kómek túrlerin taǵaıyndaýǵa arnalǵan qujattardy qaraý kezinde ýchaskelik komısıa ótinish berýshiniń materıaldyq jaǵdaıynyń nátıjelerin (ekinshi turǵyn úı, ekinshi jeke kólik jáne t.b. bar ma) nazarǵa alady.